İlk küz ayınıñ 30-na keçer gecesi işğal etilgen Qırımda dron telükesini ilân ettiler. Yarımadanıñ şarqiy rayonlarında ava mudafaası çalışa edi.
İşğalli Qırım FVNFevqulâde vaziyetler nazirligi bu aqqında haber etti, dep yazdı RİA «Novosti Krıma».
«Dron telükesi. Qırım Cumhuriyetiniñ şarqiy rayonlarında AMSava mudafaası sisteması çalışa. Sakin oluñız. Açıq yerlerge çıqmañız», — dep aytıla Rusiye müessisesiniñ haberinde.
Aynı vaqıtta «Qırım yeli» Telegram kanalı yerli sakinlerge atıf etip, Bağçasaray ve Krasnoperekopsk şeerlerinde patlav eşitilgenini bildirdi.
Bundan ğayrı, patlavlar Züya, Dobrovska vadiyi ve Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonlarında eşitilgenini bildirdiler. Şaatlar Saq rayonında da patlav sesini eşittiler, Biloğirsk rayonında ise Simferopolğa (Aqmescitke) doğru uçqan dronlarnıñ sesini eşittiler. Daa bir patlav, olarnıñ sözlerine köre, Simferopol (Aqmescit) GRES rayonında eşitildi, ve üç yüksek ses — Stroğonivka tarafından.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
