«Matros Pozynich»niñ kapitanı Mıkola Yelağin cenk cinayetinde şübheli sayıla

Ukrayina telükesizlik hızmeti işğal etilgen Aqyardan (SevastopoldanRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) Suriyege hırsızlanğan aşlıqnı alıp ketken «Matros Pozynich» gemisiniñ kapitanı Mıkola Yelağinni arbiy cinayetlerde şübheli saydı.

Şübhelenüv aqqında haber, rus tiline tercimesi ile beraber, Baş prokuratura ofisiniñ saytında yerleştirildi.

Rusiye Federatsiyasınıñ Novoçeboksarsk şeerinde doğğan ve 2022 senesi saban ayından 2024 senesi ilk yaz ayına qadar «MATROS POZYNICH» (IMO:9573816) deñiz yük gemisiniñ kapitanı olğan Yelağin Mıkola Oleksanrdovıçka, devlet menfaatlarına zarar ketirmek maqsadınen vaqtınca işğal etilgen Ukrayina toprağına kiriş ve çıqış tertibini bozğanında qabaatlana, — UHHnıñ şübheli bildirüvinde aytıla.

Tahqiqatnıñ malümatına köre, Yelağin quru yük areketini teşkil ete ve idare ete edi, Aqyar (Sevastopol) limanına kiriş ve çıqışnı temin ete edi, yükni gemige aluvnı teşkil ete ve kontrol ete edi.

Hususan, tahqiqat eki adiseni qayd etti. Birincisi - Qırımdan Suriyege Rusiye tarafından işğal etilgen Donetskten qanunsız yolnen ketirilgen 27 tonnadan ziyade boğdaynıñ çıqarılması aqqında.

«2022 senesi boş ayından soñ Yelağin belli olmağan şahıslar tarafından oña berilgen «MATROS POZYNICH» gemisiniñ qapalı Aqyar (Sevastopol) deñiz limanına kirmesi, Ukrayina VİET-dan çıqarılğan aşlıqnı qabul etmesi ve onı Rusiye mahsulatı olaraq deñizde taşıması vazifesini yerine ketirmege añlayışlı olaraq razı oldı.«Yelağin Rusiye Federatsiyasınıñ Ukrayinağa qarşı silâlı tecavuzı, Qırım Muhtar Cumhuriyeti ve Aqyar (Sevastopol) şeeriniñ vaqtınca işğali, Aqyar (Sevastopol) deñiz limanınıñ qapatıluvı ve Ukrayina mütenasip organları tarafından kirmege ruhset berilmegeni aqqında kerçekten bile edi», — dep taqiqat qayd ete.

Şu cümleden, UHH malümatına köre, Yelağin Aqyarda (Sevastopolda) aşayt mallarını yüklegen soñ, gemini Aqyar deñiz limanından Suriye Arap Cumhuriyetiniñ Latakiya limanına çıqardı. Bundan da ğayrı, şübheli malümatqa köre, geminiñ kapitanı avtomatik identifikatsiya sistemasını (AIS) sıq-sıq söndürdi ve geminiñ marşrutı aqqında doğru olmağan malümat berdi.

Yelağinniñ reberliginde Aqyardan aşayt mallarınıñ çıqarılması aqqında ekinci vaqia tahqiqatçılar tarafından 2023 senesi kiçik ayda qayd etildi. Ukrayina VİET-dan çalınğan 27 tonnadan ziyade boğday aqqında söz yürsetile.