İşğal etilgen Qırımda berim ayı 27-de gece pilotsız havf ilân etildi, Rusiye ava mudafaası dronlarnen çalıştı. Aqyarda ava telükesi de bar edi.
Rusiye Mudafaa nazirliginiñ Telegramda bildirgenine köre, umumen bir gecede AMS Rusiye, Qırım ve Qara deñiz üzerinde 96 uçaqnı urdı.
01:19 — 06:25 saatleri arasında işğal nazirligi Qırım boyunca uçaqlarnı havflı dep ilân etti. Saat 9:00-da yarımadada kene arbiysiz telüke peyda oldı — bir saat devam etti. Bundan ğayrı, Aqyar «gubernatorı» Mihail Razvojayev şeerde saat 1:24 — 2:16 arasında ava telükesi ilân etti.
Aynı vaqıtta yerli sakinler «Qırım veter» monitoring Telegram kanalına bildirdi ki, Aqyarda saba ateş açuvları ve patlavlar eşitile.
Hatırlatamız ki, cenk ve işğal Qırımnıñ ekosistemlerine, hususan Qara deñizniñ vaziyetine ve tatlı suvğa irişimine tesir etmege devam ete. Deñiz müitiniñ kirlenüviniñ aqibetleri on yıllar devamında duyula bile, suv anbarlarındaki suv yedekleriniñ eksilüvi ise, belli şaraitlerde yarımada ealisini telükege oğrata bile, dep tarif ettiler NaUKMA tabiat ilimleri fakultetiniñ dekanı Yevğen Hlobıstov ve ayatiyat ilimleri doktorı Pavlo Ğoldin.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
