İşğalli Qırım mahkemesi 46 yaşındaki Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakinini «devlet hainligi» ve «yaşı yetmegenni cinayet işlegenine celp etüv» qabaatınen 20 yılğa üküm etti. Tahqiqatnıñ versiyasına köre, o, oğlunı Rusiye ava mudafaası sisteması yerleşken yerlerniñ fotoresimlerine çekmege «çağırdı».
İlk küz ayınıñ 24-nde işğalli Qırım prokurorlığı Telegramda bunı bildirdi.
O qayd etti ki, qadın umumiy rejimli tüzetüv müstemlekesinde eki yılğa azatlıqtan marum etilecek. Bundan ğayrı, oña 100 biñ ruble para cezası berildi.
«Prokurorlıq»nıñ bildirgenine köre, Simferopoldaki (Aqmescitteki) musafirhaneni idare etken mahküm etilgen qadın Ukrayina Mudafaa nazirliginiñ Baş istihbarat idaresiniñ vekili ile işbirlik tuttı. 2023 senesi o, arbiy hızmetçilerniñ kimlik vesiqalarınıñ fotoresimlerini çıqardı.
«Qadın 2010 senesi doğğan oğlunı cinayetlerge celp etti, o, onıñ talimatınen ava mudafaası sisteması yerleşken yerini fotoğa çekti. Bütün toplanğan malümatnı o, çetel devletiniñ temsilcisine messencerlerden birinde berdi», — dep qayd etildi haberde.
Daa evel FSB işğal etilgen Qırımda 37 yaşındaki Keriç sakinini tuttı. Oña qarşı «devlet hainligi» içün cinaiy dava açıldı. Tahqiqatnıñ versiyasına köre, Qırım sakini Telegramda bir subet açıp, anda Ukrayina Silâlı quvetleri içün para toplavnı teşkil etti. Adamnı apiske aldılar.
«Tribunal. Qırım epizodı» cemaat teşkilâtınıñ evel bildirgenine köre, Rusiye mahkemelerinde 2026 senesiniñ birinci yarısında «casuslıq» ve «devlet hainligi» qabaatlavı boyunca 284 cinaiy dava baqıldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
