İlk küz ayınıñ 21-nde, Bazarertesi künü, işğal etilgen Qırımnıñ şimalinde ve şarqındaki bir sıra meskün yerde tamir işleri ve elektrik ağları ile bağlı meseleler sebebinden suv teminatı toqtatılacaq.
«Voda Krıma» işğalli müessisesi Telegramda bunı bildirdi.
Onıñ malümatına köre, saat 12:00-gece Canköyniñ bir qaç soqağında suv olmaycaq, saat 17:00-gece ise — Canköy rayonınıñ Maryanivka köyünde, Perekop rayonınıñ İşün köyünde.
Bundan da ğayrı, Sudaq şeerinde ve Sudaq ve Feodosiya bölgeleriniñ bir sıra meskün yerinde suv kesile bilir: Orconikidze, Novıy Svit, Şebetovka, Köktebel, Kurortne, Pidğirne, Pivdenne, Nanikovo, Krasnokamyanka, Morske, Ğromovka, Mejıriççâ, Sonâçna Dolına, Daçne, Vesele, Boğatovka. İşğalşi müessise bunı «energetik ağlardaki meseleler»nen bağladı.
Hatırlatamız ki, soñki eki ay devamında işğal etilgen Qırımda gumanitar vaziyet pek stabilleşmedi. Bazı rayonlarda elektrik energiyasınıñ kesilmesi aftalarnen devam ete, tükânlar ve müessiseler generatorlarnen çalışa, elektrik söndürüvleri suv teminatı ile bağlı meselelerge yol aça. Mahsulatnıñ ketirilüvi devam ete, lâkin tez bozula bilgen mallar deñiştirilgen cedvellerge köre ketirile.
Elektrik meselesi eñ kergin olıp qala. Qırım sakininiñ aytqanı kibi, A-95 benzininiñ satıluvı aman-aman yoq oldı, ve elde olğan yaqarlıqnıñ keyfiyetine dair sualler peyda ola.
İşğal etilgen Qırımda ayatnıñ yañı kerçekleri aqqında Suspilne Qırım jurnalistleri yarımadanıñ eki sakininen subetleştiler. Olar elektrik ve suv qıtlığı, aşayt teminatı, yaqıt qıtlığı, ev tehnikasınıñ işi ve qışqa azırlıq aqqında tarif ettiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
