İşğalciler suv ağlarında qazalar olğanını bildirdi. Bu sebepten berim ayınıñ 20-nde Yalta, Sudaq ve daa 5 yaqın kurort köyünde, em de yarımadada onlarca köyde suv berilmeycek.
«Qırım suvı» işğalci müessisesi ve Yalta yekâne nevbet-dispetçer hızmeti Telegramda bu aqqında bildire.
Sayğılı şeer sakinleri ve musafirleri! Yalta! Haber etiñiz ki, fevqulâde tamir işleri sebebinden 20-09-2026 künü saat 10:00-dan 17:00-ğace suvuq suv berilmesi toqtatıla bile, — beyanatta denile.
İşğal etilgen Sudaqta ve onıñ civarında suv berilmesi sıñırlandı.
Ağlardaki tamir işleri sebebinden Sudaqta, Qayğador (Ordjonikidze), Novıy Svit, Şçebetovka, Köktebel ve Kurortne köylerinde, ve Pidğirne, Pivdenne, Nanikove, Krasnokamyanka, Morske, Ğromivka, Mijriççâ, Sonâçna Dolına , Daçne, Vesele ve Bağativka köylerinde suvnı toqtatmaq mümkün, — dep «Qırım suvı» müessisesi bildire.
Bundan ğayrı, Biloğır, Keriç ve Bağçasaray rayonlarınıñ ayrı köylerinde elektrik ağlarında yüz bergen qazalar sebebinden suv teminatı bozulğan.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
