İşğal etilgen Qırımnıñ Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında yañıdan talonlarğa köre benzin satıla. Bundan da ğayrı, bugünden er yedi künde bir kere maşnanı benzinnen toldurmaq mümkün olacaq.
İşğalli memuriyetniñ yolbaşçısı Andriy Şatırenkoğa atfı etip, RİA «Novosti Krım» bunı bildirdi.
«Sıñırlav — bir naqliyat vastası içün yedi künde bir kereden ziyade benzin berilmez. Bu tek benzin ile bağlı tedbirdir».
Hatırlatamız ki, arman ayına, BİİBaş istihbarat idaresiniñ malümatına köre, işğal etilgen Qırımda yaqıt fiyatı 18%-ge, Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) ise 25%-ge paalılaştı.
«2026 senesi oraq ayında vaqtınca işğal etilgen Qırımnıñ çoqusı rayonlarında benzin stantsiyasında benzin er eki-üç künde peyda ola edi, nevbetler bir kilometrni aştı, Aİ-95 markasınıñ litr içün fiyatı 269 ruble edi», — dep bildirdi Bİİ.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
