İşğal etilgen Qırımda içtimaiy obyektler ağğa ketirilgen zarar sebebinden yedek elektrik teminatı sistemasına keçti. Bundan da ğayrı, yarımadanıñ şarqında 17 köy ve qasaba suvsız qaldı.
RİA «Novosti Krım» bunı bildirdi.
«Sudaq şeeri, Kaygador, Novıy Svit, Şçebetovka, Köktebel, Kurortne qasabaları, Pidğirne, Pivdenne, Nanikove, Krasnokamyanka, Morske, Ğromovka, Mijriççâ, Sonâçna Dolına, Daçne, Vesele ve Boğativka köyleri söndürildi», — dep qayd etildi haberde.
Qırımnıñ Perekop rayonınıñ sakinleri gazsız qaldı.
İlk küz ayınıñ 16-na keçer gecesi işğal etilgen Qırımda patlavlar oldı. Hususan, Ğvardiyske ve Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerlerinde. Rusiye Mudafaa nazirligi bildirdi ki, Qırım ve diger işğal etilgen topraqlar ve Rusiyeniñ bölgeleri üzerinde 71 dron uruldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
