Prokurorlar qırımtatar Abdulmecit Seitumerov içün 17 yıllıq, olardan 3-ü apishanede, cezanı talap eteler. O, uydurılğan «Hizb ut-Tahrir davası»nda şübeli ola. Beşinci Bağçasaray gruppasınıñ diger mabüsleri — Remzi Nimetulayev, Amethan Umerov, Ruslan Asanov, Eldar Yakubov ve Seidamet Mustafayev içün 17 yıldan 19 yılğa qadar apis cezalarını talap eteler.
Onıñ ömür arqadaşı Amina Seitumerova Facebookta bunı bildirdi.
İlk küz ayınıñ 14-nde Rostov-na-Donu şeerindeki Cenübiy bölge arbiy mahkemesinde «beşinci Bağçasaray gruppasınıñ davası» boyunca nevbetteki oturış olıp keçti. O vaqıt mahkeme imayeci tarafnıñ muracaatını red etip, qabaatlayıcığa söz bermege izin bergen munaqaşağa keçti.
«Oturış esnasında imayeciniñ tarafı 6 muracaatnı seslendirdi, şu cümleden, 2003 senesi Rusiye Federatsiyası Yuqarı mahkemesiniñ qararı resmen derc etilmegeni sebebinden, onı delil olaraq qabul etilmeycegine dair muracaat. Qabaatlayıcı taraf bu qararğa esaslana, ve kerçekten, bu qarar yaqınlarımıznıñ taqip etilmesi içün esas uquqiy temellerden biri olaraq qullanıla. Bu qarar esasında bu kibi cinaiy davalar bar ve baqıla. Amma mahkeme bütün muracaatlarnı red etti. Bundan soñ imayeci tarafnıñ taqdimi yekünlendi ve mahkeme taraflarnıñ munaqaşalarına keçti», — dep yazdı Amina.
Qabaatlayıcı Abdulmecit Seitumerov içün 17 yıllıq azatlıqtan marum etüv, olardan 3-ü apishanede keçirmesini istedi. «Dava»nıñ diger iştirakçileri içün — 17-19 yıl.
«O vaqıt mahkemede Abdulmecitniñ anası buluna edi. Bu endi dörtünci sefer, balaları içün ne qadar büyük ceza talap etilgenini eşitmek mecbur. Başta eki oğlu ve qardaşı apiske alındı, şimdi ise kiçik oğlu. Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte — terciman) ise, video konferentsiyası vastasınen, babası da oğlu içün müddet tap etkenlerini eşitti. Bugün ailemiz içün ağır bir kündir. Abdulmecit ruhtan tüşmey. Biz de teslim olmağa azır degilmiz. İman etmege, beklemek ve küreşmege devam etemiz. Bir adım artqa çekilme. Tek ögüne. Bekleymiz. İman etemiz. Biz küreşemiz«, — dep qoştı siyasiy mabüsniñ apayı.
"Hizb ut-Tahrir davası"nıñ beşinci Bağçasaray gruppası aqqında ne bilemiz
2023 senesi arman ayınıñ 24-ünde rus quvetçileri, qırımtatar Ruslan Asanov, Seydamet Mustafayev, Remzi Nemetulayev, Abdulmecit Seitumerov, Amethan Umerov ve Eldar Yakubovnıñ evlerini tinteler.
Beş adam, cemaat faalcileri ve çoq balalı babalardır. Keçenlerde Seitumerovnıñ balası doğdı. Abdulmecit, 2020 senesi saban ayında teqif etilgen, 17 ve 14 senege maküm etilgen Bağçasaraydan süyasiy mabüsler olğan Osman ve Seitumer Seitumerovnıñ doğmuş qardaşıdır.
Terrorcılıqta qabaatlanıp tevqif etilgen başqa qırımtatarlarnı destek etici numayışlarda bütün altı Bağçasaray faalcisini bir qaç kere tuttılar.
Nimetulayev ve Mustafayevni bir qaç künge tevqif ettiler. İşğalciler, "vatandaşlarnıñ kütleviy bulunmalarınen içtimaiy nizamnı bozğanı içün" Yakubovğa 10 biñ rublelik para cezasını berdiler. Umerov ise mahsus tutun müessisesinde bir qaç kün keçirdi ve "FV ya da telükesi vaqtında qaidelerni riayet etmeme aqqında" aynı maddege mücibi para cezasını ödedi.
2023 senesi berim ayında "UFSBniñ ayrıca müim meseleler üyken taqiqatçıcı" Vitaliy Vlasov Yakubovğa ve davanıñ başqa iştirakçisiniñ apayı Feride Halilovağa aqaylarınen körüşmege izin bermedi. Beşinci Bağçasaray gruppasınıñ iştirakçileriniñ apayları aynı rednamelerni aldılar.
Hizb ut-Tahrir, islâm siyasiy fırqasıdır. 2023 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
2024 senesi orta küz ayınıñ 21-nde Rostov-na-Donu Cenübiy bölgesiniñ arbiy makemesi, yañı deliller olmağanına baqmadan, Abdulmecit Seitumerov ve beşinci Bağçasaray gruppasınıñ başqa mabüsleriniñ apis müddetini daa eki ayğa uzattı.
2025 senesi orta küz ayında rusiye mahkemesi, SİZOda gigyenasızlıq ve hastaqlılarınıñ kirgenleşkeni aqqında delillerge baqmadan, bu gruppanıñ altı qırımtatar mabüsiniñ apis müddetini 2026 senesi kiçik aynıñ 23-üne qadar devam ettirdi.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, «qanunlarğa qarşı faaliyet»te ve böyle degen «cian hilâfeti»ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
