Qırımda işğalciler qanunsız saylavlardan evel evlerni ziyaret eteler. Yerli sakinlerge ketken gruppalarğa silâlı Rosgvardiya vekilleri qoşula.
Radio Kulturanıñ canlı yayınında Ukrayina Prezidentiniñ Qırım Muhtar Cumhuriyetindeki Daimiy Temsilcisiniñ muavini Denıs Çıstikov bunı bildirdi.
İlk küz ayınıñ 9-10 künleri evlerge ketmege başladılar
İlk küz ayınıñ 9-10 künleri işğal etilgen Sevastopolda (Aqyarda) evlerge ketmege başladılar, dep ayttı Çıstikov.
«Rusiye uquq qorçalayıcıları olğan Rosgvardiya temsilcileri, evlerni ziyaret etken gruppalarnıñ terkibine kireler. Olar tek formalarda degil de, silâsı da bar. Bu evelki vaqıtlarda da olğan edi, amma bu ameliyat azamiy şekilde qullanıla», — dep tarif etti Çıstikov.
Onıñ fikirince, işğalli akimiyet bu şekilde saylavlarda iştirak etmek istemegen yerli sakinlerge basqı yapmağa tırışa.
Çıstikovnıñ qayd etkenine köre, böyle rey berüvni nezaret etmek imkânı yoq. Rusiye akimiyeti rey berüvni bir qaç künge uzatıp, uzaqtan keçirilgen saylav formatını qullana.
«Olar saylavlarda iştirak eteceginden ve saylav bölüklerine kelgen insanlarnıñ sayısından emin degiller. Onıñ içün üç kün içinde rey berüv keçirile. Aynı zamanda uzaqtan rey berüv de bar», — dedi o.
Qırım sakinleri qanunsız saylavlarda iştirak etmege istemeyler
Qırım sakinleri, Ukrayina Prezidentiniñ Qırım Muhtar Cumhuriyetindeki Temsilciliginiñ malümatına köre, rey berüvde iştirak etmege istemeyler. Bu, 2014 senesi işğalden evel Qırımda yaşağan Ukrayina vatandaşları da, Rusiye tarafından işğal etilgen soñ yarımadağa köçken Rusiye vatandaşları da aqqındadır, dep ayttı Denıs Çıstikov.
«İçki auditoriya içün bu, işğal etilgen topraqlar endi Rusiye Federatsiyasınıñ memuriy tertibi ve saylav esnasına kirsetilgenini köstermek ıntıluvıdır», — dep qayd etti Çıstikov.
İşğal etilgen topraqlarda Devlet Dumasına saylavlar aqqında ne bilemiz
Україна не визнає організовані Росією голосування на тимчасово окупованих територіях. Чистіков також нагадав, що МЗС України закликає громадян не брати участі в незаконних виборах, якщо відмова не створює загрози для них або їхніх родин.
Ukrayina vaqtınca işğal etilgen topraqlarda Rusiye tarafından teşkil etilgen rey berüvlerni tanımay. Çıstikov şunı da hatırlattı ki, Ukrayina Tış işler nazirligi vatandaşlarnı qanunsız saylavlarda iştirak etmemege çağıra, eger red etüv olar ya da qorantaları içün telüke doğurmasa.
Hatırlatamız ki, işğal etilgen Qırımda Rusiye Devlet Dumasına qanunsız saylavlar keçirilmesine azırlanalar. Yarımadada aman-aman üç million rey kâğıtı bastırıldı, erte saylavlar ise endi başlandı. Saylavlar ilk küz ayınıñ 18-20 künleri keçirilecek.
İşğal etilgen yarımadada yaşağan Ukrayina vatandaşlarını qanunsız areketlerde iştirak etmemege çağıralar. Qırım uquq qorçalayıcı gruppasınıñ milliy adliyecisi Oleksiy Tilnenko bu aqqında haber etti. Ukrayina akimiyeti böyle saylavlarda iştirak etüv içün mesüliyet aqqında da ihtar ete.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
