İşğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ükümeti Qırımdaki obyektlerniñ «milliyleştirilgeni» aqqında qarar aldı. Söz müessiseler, em de şahsiy mülkiyet aqqında kete.
İşğalli Sevastopol (Aqyar) gubernatorı Mıhaylo Razvojayev bunı bildirdi. Onıñ aytqanına köre, obyektlerniñ saipleri USQUkrayina Silâlı quvetlerini destek eteler.
«Milliyleştirilgen» obyektler arasında:
- «"Parus" Sevastopol aletler qurucılığı zavodı» SMBsıñırlanğan müesliyetli birlişme
- «TBI» SMB
- «KETZ "Saturn" SMB, "Atlantis-LTD" SMB, "Rosttreyd" SMB
- «Rifer» SMB
Hatırlatamız ki, 2026 senesi ilk yaz ayına qadar işğalciler Qırımda 500 fizikiy ve uquqiy şahıslarğa ait 6 biñ obyektni «milliyleştirdi».
Onıñ bir qısmı bazarlarda satıla, qalğanı ise «devletniñ mülkiyeti»nde qala ve «Qırım sakinleri içün çalışa». Böyle obyektlerden elde etilgen paralar Ukrayinağa qarşı cenkleşken Rusiye arbiy hızmetçilerine yardım ete.
İlk yaz ayınıñ 5-nde Qırım «parlamenti»niñ işğalli reisi Vladimir Konstantinov Telegramda bunı bildirdi.
Daa evel Ukrayina Prezidentiniñ Qırım Muhtar Cumhuriyetindeki Daimiy Temsilcisiniñ muavini Denıs Çıstikov Suspilne Qırım içün işğalciler Qırım sakinleriniñ mülkiyetini nasıl etip zapt etkenlerini ve buña qarşı nasıl qorçalamaq mümkün olğanını tarif etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
