İlk küz ayınıñ 11-nde işğal etilgen Qırımda elektrik energiyasınıñ qullanuvı sıñırlana. İşğalli akimiyetniñ bildirgenine köre, dron ücümlerinden eñ çoq zarar körgen yarımadanıñ rayonlarında elektrik söndürilecek.
«Krımenergo» işğalli müessisesi bu aqqında haber etti, dep yazdı RİA «Novosti Krıma».
Onıñ bildirgenine köre, eñ çoq zarar körgen energetik rayonlarda elektrik energiya ağınıñ imkânlarına köre berile, hususan yedek elektrik teminat shemaları qullanıla.
Bundan da ğayrı, ilk küz ayınıñ 11-nde işğal etilgen Qırımda qaza-tamir işleri, ağlar ve suv inşaatlarınıñ dezinfektsiyası sebebinden suv berilüvi sıñırlandı.
«Voda Krıma» işğalli şirketiniñ malümatına köre, ayrı rayonlarda suv berilmesini saat 12:00, 16:00, 17:00 ve 20:00-ge qadar sıñırlamağa planlaştıralar. Sebepleri — tamir işleri, em de suv qullesi ve suv teminatı ağlarınıñ dezinfektsiyası.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
