Eki saatten ziyade işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) uçucısız uçaq aletleri ücüminden ava telükesi bar edi. İşğalli akimiyet, Rusiye AMSAva mudafaası sisteması quvetleri 14 UUAni urğanını bildirdi.
İşğalli Sevastopol (Aqyar) «gubernatorı» Mihail Razvojayev bunı bildirdi.
Onıñ sözlerine köre, «Omega» plâjında 57 yaşındaki qadınnıñ ayağı parçanen yaralandı. Onıñ ayatına telüke yoq, dep iddia etti Razvojayev.
İşğalli akimiyet Monastırske caddesi yanındaki bağça cemiyetiniñ toprağında yanğın ve Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) caddesi yanındaki orman alanında dronlar tüşürilgeni neticesinde yanğın çıqqanını bildirdi.
Aynı vaqıtta «Qırım yeli» Telegram kanalı, şaatlarnıñ malümatına esaslanıp, İnkerman, Saharna Ğolovka ve Hmelnıtske köylerinde mobil ateş gruppalarınıñ işi aqqında haber ete edi. Bundan ğayrı, Ay Petri üzerinden Velıka Yaltağa doğru dronlarnıñ areketi ve Bağçasaray rayonında zenit qurulışlarınıñ işi aqqında haber etile edi.
Yalta şeeriniñ işğalli Tek nezaret-dispeter hızmeti sakinlerni ve turistlerni dron telükesi sebebinden yalı kenarları ve açıq alanlarnı terk etmege çağırdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
