İşğal etilgen Qırımda Ukrayina Mudafaa quvetleri Rusiye ordusınıñ uçucısız uçaq aletlerini idare etüv noqtasına ücüm etti. Ücüm ilk küz ayınıñ 7-nde ve ilk küz ayınıñ 8-ne keçer gecesi yapıldı.
Ukrayina Silâlı Quvetlerniñ Baş ştabı bu aqqında haber etti.
Vaqtınca işğal etilgen Qırımnıñ Çornomorske meskün yerinde ukrayin arbiy hızmetçileri Rusiye işğalcileriniñ UUAlerini idare etüv noqtasına ücüm ettiler. Bundan da ğayrı, Zaporijjâ vilâyetiniñ Zaliznıçne bölgesi civarında bir idare noqtası zarar kördi.
Donetsk rayonında Rusiye ordusınıñ ücüm etici dronlarını saqlav, azırlav ve uçuruv yeri zarar kördi. Bundan ğayrı, Donetsk vilâyetiniñ Velıka Novosilka rayonında Mudafaa quvetleri işğalcilerniñ idare noqtasına ücüm etti.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
