İşğal etilgen Qırımda fevqulâde yanğın telükesi aqqında acele tenbiyelev devam ete. Yarımadanıñ dağlıq rayonlarında ilk küz ayınıñ 12-ne qadar qalacaq.
RİA «Novosti Krıma», Rusiye FVNFevqulâde vaziyetler nazirliginiñ Qırımdaki işğalcl idaresine atfı etip, bunı bildirdi.
«İlk küz ayınıñ 9, 10, 11 ve 12 künleri dağlarda fevqulâde yanğın telükesi qalacaq. Hatırlatamız ki, ilk yaz ayınıñ 24-nden başlap, yanğınğa qarşı mahsus rejim çalışa», — dep qayd etildi haberde.
Ukrayina gidrometeorologiya merkeziniñ malümatına köre, ilk küz ayınıñ 8-10 künleri Qırımda fevqulâde yanğın telükesi beklenile. Aynı seviyede bu künleri Ukrayinanıñ şimaliy ve şarqiy vilâyetleriniñ çoqusında, em de İvano-Frankivsk, Ternopil, Hmelnıtskıy, Vinnıtsâ, Çerkası, Poltava ve Zaporijjâ vilâyetlerinde beklenile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
