İşğal etilgen Qırımda energetika sisteması küç qıtlığı ve yüksek yüklenüv şaraitlerinde çalışa. Bu sebepten yarımadada elektrik teminatınıñ sıñırlanması devam ete.
«Krımenergo» işğalli şirketine atfı etip, RİA «Novosti Krıma» bu aqqında haber etti.
«Elektr hatları ve (ya da) elektrik ağınıñ cihazları, vaziyetke köre, tez kesile», — dep qayd etildi haberde.
Aynı zamanda işğal etilgen Qırımda suv sıñırlamaları ve kesilüvleri aqqında haber etildi. «Voda Krıma» şirketiniñ malümatına köre, ilk küz ayınıñ 8-nde ağlardaki fevqulâde tamir işleri sebebinden bazı rayonlarda suv berilmesi tahminen saat 12:00-17:00 qadar sıñırlanacaq.
Bundan da ğayrı, elektrik ağlarındaki meseleler sebebinden bir qaç rayonda suv teminatı stabil olmay ve sıñırlı olıp qala. Şirket, tamir işleri ve ağlardaki fevqulâde vaziyetler sebebinden suv teminatınıñ bozuluvı aqqında da haber etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
