İşğal etilgen Qırımnıñ Vladıslavivka rayonında Ukrayina mudafaa quvetleri Şimaliy-Qırım kanalından keçken demiryol köprüne ücüm etti. Onı Rusiye ordusı arbiy logistika içün qullana edi.
USQniñ Baş ştabı bu aqqında haber etti.
Qayd etilgenine köre, 2026 senesi ilk küz ayınıñ 6-nda ve 7-ne keçer gecesi duşmannıñ arbiy noqtalarına ücüm etildi.
Qırımdaki demiryol köpründen ğayrı, ukrayin arbiy hızmetçileri işğal etilgen topraqlarda Rusiye ordusınıñ diger obyektlerine ücüm etti. Luğansk vilâyetleriniñ Nıjniy Nağolçık ve Dovjanske meskün yerlerinde, em de Zaporijjâ vilâyetiniñ Azovske duşman bölükleriniñ idare noqtaları zarar kördi.
Vaqtınca işğal etilgen Qırımda «Grenader» tehnikiy istihbarat vastalarınıñ avtomatlaştırılğan noqtası zarar kördi. Bundan da ğayrı, Luğansk vilâyetiniñ Teple rayonında ukrayin arbiy hızmetçileri Rusiye işğalcileriniñ silâ anbarına ücüm ettiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
