İşğal etilgen Qırımda ruslar balalarnı arbiyleştirilgen ve mefküreviy tedbirlerge celp etmege devam eteler. Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonınıñ Moloçne köyünde mektep talebeleri içün «vatanperverlik» dersi ve arbiy azırlıq boyunca usta dersleri keçirildi.
İlk küz ayınıñ 2-nde işğalli «Krımpatriottsentr» Telegramda bunı bildirdi.
«Sovetler Birligi Qaramanı G.S. Titov adına Moloçne orta mektebi» MBOZ bazasında (Moloçne köyü, Saq rayonı) vatanperverlik tedbiri keçirildi. Teşkilâtçılar «Avangard-Zahidnıy» zona merkeziniñ hadimleri ve «Krımpatriottsentr» arbiy-taktik azırlıq merkeziniñ hadimleri tarafından teşkil etildi», — dep qayd etildi haberde.
İşğalcilerniñ malümatına köre, genç sınıflar içün Terrorizm ile küreşte birdemlik kününe bağışlanğan «Yamanlıqqa qarşı birlikte: telükesiz olmaq nasıl mümkün» adlı teşviqat munaqaşası keçirildi.
Yuqarı sınıf talebeleri içün Rusiye gvardiya kününe ve Ekinci Cian cenkiniñ bitüv kününe bağışlanğan tematik usta dersleri teşkil etildi.
«Umumen iştirakçilerniñ sayısı 90 oldı. Böyle tedbirlerniñ keçirilmesi, ecdatlarnıñ qaramanlıqları aqqında tarihiy hatıra saqlanmasına ve Qırım Cumhuriyetiniñ gençleri arasında vatandaşlıq mesüliyetliginiñ seviyesini arttırmasına yardım ete», — dep yazalar işğalciler.
Ukrayina Prezidentiniñ Qırım Muhtar Cumhuriyetindeki Daimiy Temsilcisiniñ muavini Denıs Çıstikov Suspilne Qırımğa tarif etti ki, Rusiye qanunsız askerlikke kütleviy çağıruvnı devam ettire, mektep ve bala lagerlerini Ukrayinağa qarşı cenkte iştirak etkenlerni gençlernen çalıştırıp, kelecek askerlerni azırlamaq ve teşviqatnıñ aleti olaraq qullana.
2025 senesi ilk qış ayında BMTnıñ insan aqları nezaret missiyası 2025 senesi ilk yaz-boş ayları arasında Ukrayina işğal etilgen topraqlarında, hususan Qırımda, tasil ve balalarnıñ arbiyleştirilmesini qayd etken esabatnı derc etti.
İşğal etilgen topraqlarda, hususan Qırımda, ukrayin balalarınıñ arbiyleştirilmesi — umumen Avropanıñ havfsızlıq meselesidir, çünki bu balalar kelecekte Rusiye tarafından dünyanıñ farqlı noqtalarında qullanıla bileler, dep bildirdi «Almenda» vatandaş maarif merkeziniñ yolbaşçısı Mariya Sulâlina.
Hatırlatamız ki, ilk küz ayınıñ 1-nden başlap Rusiye «Yahşı oyunlar» leyhası çerçivesinde bütün memlekette mektepten tış sınıflar içün teşviqat derslerini başlattı. Olarnıñ arasında Qırım aqqında dersler bar, anda balalarğa Qırımnıñ Rusiyege «qoşulması» aqqında añlatmağa mecbur eteler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
