Ukrayina uquq qorçalayıcıları Aluşta şeer mahkemesiniñ «mahkemecisi»ne cenk cinayetiUkrayina CQniñ 438-nci maddesiniñ 1-nci qısmı işlegeninde şübe bildirdiler. Tahqiqatnıñ malümatına köre, 2017 senesi o, qanunsız sürette ukrayinalını Qırım tışına çıqarmaq qararını qabul etti.
İlk küz ayınıñ 1-nde Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığınıñ saytında bu aqqında haber etildi.
Uquq qorçalayıcı organlardaki bir menba anonimlik şartlarınen, 2025 senesi devlet hainligiUkrayina CQniñ 111-nci maddesiniñ 1-nci qısmı içün mahküm etilgen «Aluşta şeer mahkemesi»niñ mahkemecisi Yevhen Skisov aqqında haber etti.
«Taqiqatnıñ malümatına köre, 2017 senesi şübelengen adam "memuriy uquq bozuvı" davasınıñ baqılmasında Ukrayina vatandaşı olğan Qırım yarımadasınıñ sakinine dair qanunsız qarar aldı. Zarar körgen adam, istilâcı devletniñ pasportını almağa red etkeni içün, Rusiye Federatsiyasında bulunmaq qaidelerini bozğan bir yabancı olaraq tanıldı. Neticesinde işğalli "mahkemeci" adamnı Qırım yarımadasından sürgün etip cezalandırdı», — dep qayd etildi prokurorlıqnıñ beyanatında.
6 ay devamında ruslar Ukrayina vatandaşını Rusiye Federatsiyasınıñ Rostov vilâyetindeki çetel vatandaşlarını vaqtınca tutuv merkezinde qanunsız sürette tuta ediler. 2018 senesi çiçek ayında onı Ukrayina kontrolindeki topraqqa qanunsız olaraq çıqardılar.
«Böyle areketler, 1949 senesi Cenk vaqtında vatandaşlarnı qoruv şartnamesiniñ ve I-nci ilâve protokolınıñ qaba şekilde bozuluvıdır, olar, sebeplerge baqmadan, işğal etilgen topraqtan vatandaşlarnıñ şahsiy ya da kütleviy sürgün etilmesini yasaq ete. Yuqarıda qayd etilgen halqara gumanitar uquq normalarına ve Ukrayina qanunlarına köre, Ukrayina vatandaşları Qırım yarımadasında yaşamaq aqqına saiptir ve işğalli memuriyetniñ izinlerine muhtac olmaylar», — dep qayd etti Qırım Muhtar Cumhuriyeti prokurorlığı.
UHHUkrayina Havfsızlıq hızmetiniñ malümatına köre, 1993-1994 seneleri Yevhen Skisov Qırım Adliye nazirliginiñ yolbaşçısı edi, 2003 senesi ise Aluşta şeer mahkemesiniñ yolbaşçısı oldı. Qırım Rusiye tarafından işğal etilgen soñ, o, antını bozıp, işğalciler tarafından teşkil etilgen mahkeme sistemasında çalışmağa devam etti.
«UHHniñ malümatına köre, 2025 senesi o, devlet hainligi içün 13 yılğa mahküm etildi. Yañı adisege köre, cinayetçi Ukrayina Ceza qanunnamesiniñ 438-inci maddesiniñ 1-inci qısmı (cenk qanunlarını ve adetlerini bozuv) boyunca şübelene. O, Ukrayina nezaretinde olmağan topraqta bulunğanı sebebinden, oña qarşı yapılğan cinayetler içün mesüliyetke çekmek içün kompleks tedbirler alıp barıla», — dep tarif etti UHHniñ Qırım MCdeki Baş idaresi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
