Arman ayınıñ 30-nda, işğal etilgen Qırımda, «Canköy» ava limanında kündüz yanğın çıqtı. Yanğın ocaqlarına avtopark, yaqıt-yağ malzemeleri anbarı, em de yanında yerleşken elektrik ast stantsiyası tüşti.
«Qırım yeli»niñ nezaret gruppası, uydu resimlerine esaslanıp, bu aqqında malümat berdi.
Yanğın, resursnıñ yazğanına köre, keçken kün kündüz çıqtı, amma NASA FIRMS hızmetinde tek gece körsetildi.
İşğalli akimiyet malümat bermedi. USQUkrayina Silâlı quvetleri ve ukrayin akimiyetiniñ vekilleri ava limanına yapılğan ücüm aqqında malümat tasdıqlamadılar.
Hatırlatamız ki, arman ayınıñ 29-30 künleri Ukrayina Mudafaa Quvetleri Ukrayinanıñ vaqtınca işğal etilgen topraqlarındaki bir qaç arbiy maqsatqa ücümler yaptı. Hususan, Qırımda, Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonınıñ Krasnoselske köyünde Rusiye askerleriniñ madde-tehnik vastalar anbarı ücüm etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
