İşğal etilgen Qırımda arman ayınıñ 30-nda gece patlavlar oldı. Rusiye Mudafaa nazirligi yarımada üzerinde uçaqlarnı yoq etkenini bildirdi.
Rusiye mudafaa nazirliginiñ Telegram haber etkenine köre, gece ava mudafaası Rusiye, Qırım, Azaq ve Qara deñizlerde 494 uçuşsız uçaqnı urıp tüşürdi.
Arman ayınıñ 29-nda saat 22:31-den arman ayınıñ 30-nda saat 02:01-ge qadar ve aynı zamanda saat 06:16-dan 06:46-ğa qadar yarımadada ava telükesi ilân etildi, dep Qırımnıñ işğalci Fevqulâde vaziyetler nazirligi bildirdi, dep Rusiye kütleviy haber vastaları haber ete.
Bundan da ğayrı, yerli sakinler «Qırım veter» monitoring Telegram kanalına, saat 23:00 Yevpatoriya rayonında «quvetli patlav» eşitilgenini bildirdiler.
Hatırlatamız, Ukrayina Silâlı quvetleriniñ Baş ştabında bildirdiler ki, avarman ayıust 28-29 künleri Ukrayina mudafaa quvetleri, işğal etilgen Qırımda Gvardiya ve radioelektron küreş kompleksinde Rusiye arbiyleriniñ ücüm uçaqlarınıñ saqlanması, azırlanması ve uçuruvına ücüm etti.
Bundan evel, ordu Baş ştabınıñ malümatına köre, arman ayınıñ 27-28-nde işğal etilgen Qırımda «Nebo-U» radiolokatsiya stantsiyasına, «P-18» radar apparatına ve Olenivkada mobil bağ vastaları kompleksine, Frunze rayonında «Nikolayevka» radio relye stantsiyasına ve Aqyarda oquv- azırlıq merkeziniñ zararına ücüm etildi.
Bundan da ğayrı, UUA quvetleriniñ komandanı Robert «Madâr» Brovdi bildirdi ki, arman ayı 26-28 künleri işğal etilgen Qırımda UUA yedi energetik obyektine ücüm etti. Hususan, dört elektrik stantsiyası ve üç gaz bölüci stantsiyası.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
