Ukrayina Mudafaa quvetleri arman ayı 28-29 künleri işğal etilgen Qırımda Gvardiya ve Zamenka rayonındaki radioelektronik küreş kompleksinde Rusiye arbiyleriniñ ücüm uçaqlarınıñ saqlanuv, azırlav ve uçuruv yerlerine ücüm etti.
Ukrayina Silâlı quvetleriniñ Baş ştabı Facebookta bu aqqında bildirdi.
«Donetsk vilâyetiniñ Donetsk şeeri ve Gvardiya rayonlarında Rusiye işğalcileriniñ ücüm uçaqları saqlanğan, azırlanğan ve uçurılğan yerler zarar kördi. Bundan ğayrı, vaqtınca işğal etilgen ukrayin Qırımında, Zamenka rayonında, duşmannıñ radioelektron küreş kompleksi zarar kördi», — dep haberde aytıla.
Hatırlatamız, işğal etilgen Qırımda arman ayınıñ 29-nda gece patlavlardan soñ «Gvardiyske» ava limanınıñ şimaliy qısmında ve Perekopsk rayonındaki Slavne köyü yaqınlarında Rusiye arbiyleriniñ mevzilerinde yanğınlar yüz berdi. Aqyarda, işğalcilerniñ malümatına köre, bir kişi elâk oldı, üçü yaralandı.
Bundan da ğayrı, Ukrayina Silâlı quvetleri Baş ştabınıñ malümatına köre, arman ayınıñ 27-28-nde işğal etilgen Qırımda «Nebo-SV» radiolokatsiya stantsiyasına, P-18 radar apparatına ve Olenivkada mobil bağ vastaları kompleksine, Frunze rayonında Mıkolayivka radiorele stantsiyasına ve Aqyarda oquv- azırlıq merkeziniñ zararına darbe endirildi.
Bundan da ğayrı, UUA quvetleriniñ komandanı Robert «Madâr» Brovdi bildirdi ki, arman ayı 26-28 künleri işğal etilgen Qırımda UUAlar yedi energetik obyektine ücüm etti. Şu cümleden, dört elektrik stantsiyası ve üç gaz bölüv stantsiyası.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
