RF Mudafaa nazirligi bu gece Qırım ve deñizler üzerinde dronlarnıñ yoq etilgenini bildirdi

Arman ayınıñ 27-ne keçer gecesi işğal etilgen Qırımda patlavlar eşitildi. RF Mudafaa nazirligi yarımada üzerinde dronlarnı yoq etkenini bildirdi.

Rusiye mudafaa nazirliginiñ Telegramda bildirgenine köre, gece devamında ava mudafaası Rusiye, Qırım, Azaq ve Qara deñizleri üzerinde 267 dronnı yoq etti.

Yarımadada ava telükesi arman ayınıñ 25-nde saat 18:22-den arman ayınıñ 26-nda saat 01:37-ge qadar, em de saat 05:25-ten 05:55-ke qadar devam etti, dep bildirdi işğalli Qırım FVNFevqulâde vaziyetler nazirligi Rusiye devlet qullanımı MAXta. Bundan ğayrı, Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) şeer «gubernatorı» Mihail Razvojayev arman ayınıñ 26-ında saat 23:49-ğa qadar altı kere ava telükesini ilân etti.

Bundan ğayrı, yerli sakinler «Qırım yeli» nezaret Telegram kanalına añlattılar ki, saat 22:00 civarında Sevastopol (Aqyar) yanındaki Orlivka köyünde patlavlar ve ateş sesleri eşitilgen, em de saat 00:50-de Qurman rayonında üç patlav eşitildi. Saat 01:00 civarında şaatlar Sevastopolda (Aqyarda) Fiolent burnu üzerinde dronlarnı körgenler, mobil ateş gruppaları olarnı urıp tüşürmege muvaffaqiyetsiz tırıştılar.

Hatırlatamız ki, USQniñ Baş Ştabınıñ malümatına köre, Ukrayina Mudafaa Quvetleri arman ayınıñ 25-26 künleri, işğal etilgen Qırımda, «Kasta» radiolokatsiya stantsiyasına, Rusiye arbiy hızmetçilerniñ tamir-tikleme bazasına, «Geran»/«Gerbera» türlü UUAniñ yañından yayınıcısına ve madde-tehnik vastalar anbarına zarar ketirdi.

Bundan evel, arman ayınıñ 24-nde, işğal etilgen Olenivkada, Ukrayina İnsansız Sistemalar Quvetleriniñ 413-nci ayrı «Reyd» bölüginiñ operatorları «Zala» dronınıñ taqımınıñ sığınağına zarar ketirdiler. Bundan ğayrı, İSQ işğal etilgen Qırımnıñ Rozdolne meskün yerinde ST-68 radiolokatsiya stantsiyası kompleksine zarar ketirdiler. Aynı zamanda beraber, Rusiye kölge flotınıñ Qara deñizdeki tanker ve balkerine ücüm etildi.

Читати ще