Arman ayınıñ 25-nci aqşamı, işğal etilgen Qırımnıñ Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) yalıları yanında, 3 baalı zelzele oldı.
Avropa Seysmologiya Merkeziniñ malümatları bunı kösterdi.
Yer altı sarsıntısı, Qara deñizde, Sevastopol (Aqyar) rayonında, Kıyiv vaqtına köre saat 20:46-da qayd etildi. Merkezi, şeerden 30 km uzaqlıqta, 35 km terenlikte edi.
Hatırlatamız ki, arman ayınıñ 17-ne keçer gecesi Sevastopol (Aqyar) yalıları yanında 3,8 magnitudalı zelzele oldı.
Evel Suspilne Qırım muarririyeti, Qara deñiz bölgesinde yañı küçlü zelzele telükesiniñ ne qadar ciddiy olğanını ve olarnıñ yarımada içün ne kibi neticeleri olabilecegini tafsilâtlı öğrengen edi.
Ukrayina Arbiy-deñiz quvetleriniñ yedeginiñ 1-inci dereceli kapitanı Andriy Rıjenko añlattı ki, küçlü zelzele merkezi deñizde olsa, Qırım köprü de telükege oğray bile.
«Qırım köprü qurulğanda, ve tarih bayağı uzun edi, bu esnasnı toqtatqan esas faktor - yer teprenüviniñ ihtimali edi. Ve, misal içün, almanlar Ekinci Cian cenki vaqtında temeli qoyulğanda, olar tam bu sebepten vazgeçtiler», — dep qayd etti o.
Qırımdan ğayrı, Karpatlar Ukrayinanıñ seysmik faal bölgesi olıp qala. Geofizik İnstitutı qayd ete ki, mevcut doquz seysmologik stantsiyağa Mıkolayiv ve Odesa vilâyetlerinde yañı stantsiyalarnı qoşmağa planlaştırıla. Bu, Qırım yarımadasına tesir ete bilecek yerastı teprenüvlerini daa doğru taqip etmege imkân berecek.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
