Arman ayınıñ 17-sinde gece maalinde işğal etilgen Qırımnıñ Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) yalısı yanında 3,8 magnitudalı zelzele oldı.
Milliy Seysmik közetüvler sistemasınıñ Ukrayin Mahsus kontrol baş merkezi (MKBM) bu aqqında haber berdi.
Saat 01:22-de Sevastopol (Aqyar) rayonında Qara deñizde yerastı teprenüv qayd etildi.
Hatırlatamız ki, arman ayınıñ 10-nda gece maalinde işğal etilgen Qırımnıñ Sevastopol (Aqyar) yalısı yanında 3,9 ve 3,6 magnitudalı eki zelzele oldı, dep bildirdi Seysmologik Avropa merkezi. Eki teprenüv aman-aman duyulmadı.
Suspilne Qırım Qara deñiz bölgesinde yañı küçlü zelzele telükesi ne qadar ciddiy olğanını ve yarımada içün ne aqibetleri ola bilecegini ögrendi.
Ukrayina Arbiy-deñiz quvetleriniñ yedeginiñ 1-inci dereceli kapitanı Andriy Rıjenko dedi ki, deñizde küçlü zelzele olsa, Qırım köprü de telükege oğray bilir..
«Qırım köprü qurulğanda, ve tarih bayağı uzun edi, bu esnasnı toqtatqan esas faktor - yer teprenüviniñ ihtimali edi. Ve, misal içün, almanlar Ekinci Cian cenki vaqtında temeli qoyulğanda, olar tam bu sebepten vazgeçtiler», — dep qayd etti o.
Qırımdan ğayrı, Karpatlar Ukrayinanıñ seysmik faal bölgesi olıp qala. Geofizik İnstitutı qayd ete ki, mevcut doquz seysmologik stantsiyağa Mıkolayiv ve Odesa vilâyetlerinde yañı stantsiyalarnı qoşmağa planlaştırıla. Bu, Qırım yarımadasına tesir ete bilecek yerastı teprenüvlerini daa doğru taqip etmege imkân berecek.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
