İşğalciler Qırımnıñ üç sakinine qarşı, «Yehova Şaatları» diniy teşkilâtı davası boyunca «taqiqat»nı bitirgenlerini bildirdiler.
RİA «Novosti Krım», işğalli Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerindeki Rusiye Taqiqat eyyetine atıf etip, bu aqqında malümat berdi.
«Keçken sene yazda Rusiye quvetçileri işğal etilgen Qırımdaki teşkilâtnıñ merkezini açtılar. O zaman, Yalta ve Aluştada diniy gruppanıñ faaliyetini idare etkeninde şübelengen adamnı tuttılar. Bu sene oraq ayında daa eki Qırım sakininiñ şahsiyeti belgilendi, olar, Rusiye taqiqatınıñ versiyasına köre, bu merkezge yolbaşçılıq ete ediler. Rusiyede «Yehova Şaatları» yasaqlandı ve «aşırıcı teşkilât» olaraq tanıldı», — dep qayd etildi haberde.
Hatırlatamız ki, Rusiye uquq qorçalayıcıları beyan etken ediler ki, olar Adler ava limanında, Rusiyeden çıqmağa tırışqanda, işğal etilgen Qırımnıñ 28 yaşındaki sakinini tuttılar.
Olar onı, Rusiyede yasaqlanğan ve «aşırıcı» dep sayılğan «Yehova Şaatları» diniy teşkilâtınıñ Aluşta merkeziniñ faaliyetini teşkil etkeninde qabaatlaylar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
