İşğal etilgen Qırımda Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakinini «devlet hainligi»nde şübelenip tuttılar. Taqiqatnıñ versiyasına köre, o, Ukrayina Havfsızlıq Hızmetine yarımadada Rusiye arbiy obyektleriniñ yerleşkeni aqqında malümat berdi. Adamnı apiske aldılar.
FSBniñ İctimaiy Alâqalar Merkezi bunı bildirdi, dep arman ayınıñ 24-nde Rusiye teşviqatçı haber agentligi RİA «Novosti Krım» malümat berdi.
«Yevpatoriya (Kezlev — tericman) şeeriniñ sakini, Telegram messenceri vastasınen göñülli olaraq Ukrayina Havfsızlıq Hızmetiniñ hızmetçisinen alâqağa keçti ve onıñ emrinen, çetel memleketiniñ mahsus hızmetiniñ vekiline, bölgede Rusiye Federatsiyası Silâlı Quvetleri obyektleriniñ yerleşkeni aqqında malümatlarnı özünde saqlağan foto- ve videomateriallarnı berdi», — dep qayd etildi haberde.
Bundan ğayrı, FSBniñ matbuat hızmeti iddia ete ki, adam para içün, Qara deñiz flotınıñ arbiy hızmetçilerniñ ve Qırım «ictimaiy erbapları»nıñ yaşağan adreslerini qoşma istihbarat etti, em de RF uquq qorçalayıcı organlarınıñ hızmetçileri aqqında malümat qıdırdı.
Keçken afta işğalciler Qırım sakinlerine basımnı kücündirdiler: QRMniñ malümatına köre, Bağçasaray rayonında «quvetçiler» evlerni aylandılar, tinttiler ve garajlarnı tekşerdiler ve sözde «gizli anbarlar» ve dron yapmaq içün tehnika qıdırdılar. Bundan ğayrı, Or Qapı şeerinde ve Or rayonında qırımtatarlarnıñ evleri qanunsız şekilde tiltilgeni, Sevastopolnıñ (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnıñ) 18 yaşındaki sakininiñ qanunsız tutulğanı ve yarımada sakinlerine qarşı «devlet hainligi» ve «casuslıq» içün cinaiy davalarnıñ açılğanı belli oldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
