RFnıñ Saratov vilâyetiniñ Pugaçov şeeriniñ 4-nci tüzetüv müstemlekesinde qanunsız şekilde yatqanda Qırım siyasiy mabüsi Rustem Murasovnıñ ağırlığınıñ ciddiy derecede azğanı qayd etildi. Bundan ğayrı, uquq qorçalayıcılarnıñ añlatqanına köre, o küçlü gipertoniyaarterial basımnıñ turaqlı şekilde 140/90 köstergiçlerinden yuqarı olğan hronik al. İlk basamaqlarda belli alâmetleri olmağanı sebebinden bu hastalıqnı «sessiz cellât» olaraq tanıylay, amma nezaretsiz qalsa, o infarkt ya da insultqa alıp kelirdan azap çeke ve, müstemleke memuriyetiniñ oña bermegeni ve ayat içün muim olğan ilâçlarciddiy hastalıqlarnı tedaviylep, ayatlarnı saqlap qalmaq ve telükeli ağırlaşuvlarnıñ ögüni almaq içün kerek olğan esas ilâçlarnı daima içmeli.
Qırımtatar Resurs Merkezi (QRM) öz saytında bunı bildirdi.
«Hususiy telâş, siyasiy mabüsni tutqan şarait doğura. Belli olğanına köre, Murasovnı daimiy şekilde sözde BURda — sertleştirilgen rejim barağında tutalar. Bu bina, kerçekten insannıñ tolu izolâtsiyasını közde tuta ve şaraitine köre ceza izolâtorına (ŞİZO) beñzer. 2026 senesi saban ayınıñ 2-nde evelki haberimizden berli, onıñ bedeniniñ ağırlığı ciddiy şekilde azdı. Şimdi adamnıñ bütün qaburğaları körüne», — dep bildirdi QRM.
Evel QRM bildirgen edi ki, müstemlekege kelgenden soñ, Rustem Murasov ŞİZOğa yerleştirilgen edi, anda o, 45 künden ziyade keçirdi. Bu vaqıt içinde onıñ ağırlığı tahminen 72'den 62 kilogramğa qadar azdı.
«BURda Murasov kerçekten uzun müddetli izolâtsiya şaraitinde qala. Rusiye tutuv sisteması, müstemleke memuriyetine, sözde ciddiy rejim bozmaları esasında insanlarnı böyle baraqlarğa yerleştirmege imkân bere, bu ise tışqı dünyanen alâqalarnı uzun müddetke sıñırlandırmaq imkânını yarata. Sağlıq alınıñ qıyınlığına ve tutuv şaraitine baqmadan, Qırım siyasiy mabüsi deñiştirilmesini beklemege devam ete ve öz azat etilmesine ve tuvğan Qırımına qaytmasına pek inana», — dep ayttı QRM.
Hatırlatamız ki, 2021 senesi arman ayınıñ 17-nde Rusiye «quvetçileri» Rustem Murasovnıñ evini tinttiler. 2023 senesi matıs ayınıñ 31-nde onı, sözde «Hizb ut-Tahrir davası»nda, RF CQniñ 205.5-nci maddesiniñ 2-nci qısmına binaen, 12 senege qanunsız şekilde mahküm ettiler.
"Hizb ut-Tahrir davası"nıñ ekinci Aqyar gruppası aqqında ne bilemiz
2021 senesi arman ayınıñ 17-sinde işğal etilgen Qırımda rus quvetçileri, qırımtatarlarnıñ evlerini kütleviy olaraq tintken soñ beş qırımtatar adamını tuttılar: Aqyarnıñ Nahimov rayonından faalci Rustem Murasov ve Rustem Tayirov, Balıqlava rayonından Cebbar Bekirov, Bağçasaray rayonında faalci Zavur Abdullaev ve Aqmescit rayonından Reyif Fevziev.
O zaman Musarov ekinci kere tutuldı. Birinci kere 2016 senesi kiçik ayda tutuldı, amma birazdan azat etildi. Bu sefer ise faalci Rostov-na-Donudaki qırımtatarlarnıñ dava oturışlarından qaytqan soñ tutuldı. Öz halqınıñ temsilcilerini destek etmek maqsadınen o yerge ketti.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, «qanunlarğa qarşı faaliyet»te ve böyle degen «cian hilâfeti»ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
