Arman ayınıñ 21-nde saba maalinde işğalli «Krımenergo» bildirdi ki, ukrayin dronlarınıñ kütleviy ücümi sebebinden Qırımnıñ bir qısmı elektriksiz qala. Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) saba maalinde cedvel kirsetildi — 2 saat elektriknen ve 6 saat elektriksiz.
Bu, «Krımenergo»nıñ saytında ve «Sevastopolenergo»nıñ Telegram kanalında qayd etildi.
«Duşmannıñ yarımadanıñ energetika astyapısına qarşı yañıdan kütleviy ücümleri neticesinde bir qaç meskün yeri elektriksiz qaldı. Energetikler zarar miqdarını ögreneler ve qaza bölüklerini tapıp tamir etmege çalışalar. Qullanıcılarnı elektriknen temin etmek içün mümkün olğan bütün ğayretler kösterile. İctimaiy obyektler yedek elektrik teminatı sistemalarında çalışa. Qırım Cumhuriyetiniñ bütün toprağında elektrik teminatı sıñırlandırıldı. Kesilüvler energetika rayonlarındaki vaziyetke köre tez şekilde yapıla», — dep malümat berdi «Krımenergo».
Sevastopolda (Aqyarda) gece patlavlarından soñ, Rusiyege boysunğan «Sevastopolenergo» «2-den 6-ğa» cedveline keçkenini bildirdi — eki nevbet yerine dört nevbet ola. Yani er eki saatte, elektrik teminatı, dört tüketici nevbetinden birinde tiklenecek.
«Saat 10-dan 12-ge qadar, 3-nci nevbet tüketicilerinde elektrik teminatı tiklenecek. Saat 12-den 14-ke qadar, elektrik 4-nci nevbet tüketicilerinde olacaq. Saat 14-ten 16-ğa qadar — 1-nci nevbet tüketicilerinde. Bundan soñ cedvel aynı printsip boyunca çalışacaq. Qırım energetika sistemasındaki vaziyet stabil olmağan qala, şunıñ içün kerek olsa dispetçer qoşma sıñırlavlarnı kirsete bilir. Mümkün olğan deñişmeler aqqında tez malümat berecekmiz», — dep qayd etildi haberde.
Arman ayınıñ 20-nda saat 22:55-den başlap Sevastopolda (Aqyarda) üç kere ava telükesi ilân etildi. Saat 6:35-te ise lâğu etildi. İşğalli şeer «gubernatorı» Razvojayev Telegramda yazdı ki, Rusiye ava mudafaası sisteması 19 dronnı «urıp tüşürdi».
«Qırım yeli» nezaret Telegram kanalınıñ abunecileri, bu gece Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte), Sevastopolda (Aqyarda) ve Qırımnıñ diger şeerlerinde birden ziyade patlavlar aqqında bildirdiler.
Olarnıñ malümatına köre, Saq SEM yanında ve Saq ava limanı yanında qattı patlav eşitildi. Şeerde elektriknen bağlı meseleler oldı. Bundan ğayrı, gece patlavları aqqında Canköyde, Çornomorskede, Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) ve Biloğirsk QarasuvbazarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında bildirdiler.
Rusiye taqiqat eyyeti bildirdi ki, olar Qırımğa yapılğan ücüm aqqında «taqiqat»nı başlaylar. Olar Simferopol (Aqmescit) rayonında 2 insannıñ elâk olğanını ve üç insannıñ yaralanğanını iddia eteler. Daa bir insan Saq rayonında yaralanğan. Sevastopolda (Aqyarda) ise — ana ve bala yaralanğan.
«Taqiqatçılar, Qırım Cumhuriyeti, Sevastopol şeeri ve "Donetsk Halq Cumhuriyeti"niñ tınç yaşağan sakinlerine qarşı ukrayin silâlı birleşmeleriniñ cinayetlerini taqiqat etecekler. Yerli icra akimiyeti organlarınıñ malümatına köre, Qırım Cumhuriyetiniñ Simferopol rayonında UAFUkrayina Arbiy flotunıñ dron ücümi neticesinde eki insan elâk oldı, daa üç yaralandı, olarnıñ arasında çağına yetmegen bir bala da bar. Cumhuriyetiñ Saq rayonında daa bir tınç yaşağan sakin zarar kördi. Sevastopol şeerinde ise ukrayin UUAuçucısız uçaq aletileriniñ ücümi neticesinde ana ve onıñ kiçkene balası yara ve travmalar aldılar», — dep qayd etildi haberde.
Haber neşir etilgenine qadar Ukrayina tarafı bu malümatnı tefsir etmedi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
