Belli oldı ki, Rusiyede Krasnodar rayon mahkemesi, Ukrayina vatandaşı Diana Ğavrılükniñ (Abduraşıtovanıñ) qanunsız apis müddetini 2026 senesi orta küz ayınıñ 14-ne qadar uzattı. 2025 senesi orta küz ayınıñ 31-nde ruslar onı Soçi ava limanında qanunsız şekilde tuttılar. O, Türkiyeden işğal etilgen Qırımğa, aqrabalarınıñ yanına uça edi Türkiyede oña tibbiy ameliyat yapılğan edi. Tutulğan soñ, ruslar qadınnı Abhaziyağa avuştırsılar, soñra ise — Voronej vilâyetiniñ Borisoglebsk şeeriniñ taqiqat izolâtorına ketirildi, anda, qorantasınıñ şaatlıqlarına köre, oña işkence yapılğan edi.
Onıñ aqayı Andriy Ğavrılük Qırım uquq qorçalayıcı gruppasına (QUQG) qanunsız apisniñ uzatılğanı aqqında bildirdi.
2026 senesi saban ayında Krasnodar Oktâbrskiy rayon mahkemesiniñ mahkemecisi Oleksandr Zelenskıy oña qarşı apis şeklind qorçalayıcı tedbirni tayin etti. Şimdi onıñ apis müddeti orta küz ayınıñ 14-ne qadar uzatıldı.
Evel Diana Ğavrılüknıñ tarihını Suspilne Qırım «Başına uruldı ve ameliyat tikişleri yırtıldı», — Rusiyede «devlet hainligi»nde qabaatlanğan Diana Ğavrılükniñ aqayı adlı maqalede añlattı.
Qorantanıñ malümatına köre, Dianağa fizikiy işeknce qullanıldı. Onı sorğular sırasında başından urdılar. Tutulğan anda qadın operatsiyadan soñki alda edi, tutulğanı ve urulğanı neticesinde ise onıñ ameliyattab soñki tikişleri açıldı. Kerekli tibbiy yardım oña köstirilmedi.
Soñra Diana Ğavrılük Krasnodardaki 1-nci taqiqat izolâtorına ketirildi. Anda Rusiye uquq qorçalayıcı organları oña qarşı «devlet hainligi» maddesi boyunca cinaiy dava açtılar. Qabaatlav, sözde Ukrayina Silâlı quvetlerine qol tutmaq içün para yollamasınen bağlanıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
