«Qırım inciri» festivalınıñ teşkilâtçıları, arman ayınıñ 21-nde, Cuma künü, Yas kününiñ beyan etilgeni içün tedbirni keçirüv formatınıñ deñiştirilgenini bildirdiler.
Olar öz Facebook saifesinde bunı bildirdiler.
«Biz, yaqınlarını coyğan er keske terenden taziye bildirip, bu ağrını er bir ukrayinnen bölüşemiz. Arman ayınıñ 21-i, Yas Künü olaraq beyan etildi. Böyle künlerde beraber qalmaq, hatıranı saqlamaq ve bir-birimizge qol tutmaq hususan muimdir. Şunıñ içün biz tedbirni lâğu etmemege, onıñ formatını deñiştirmege qarar aldıq. Sizni «Qırım inciri» edebiy yarışınıñ ğalipleriniñ beyan etilüv merasimine qatnaşmağa çağıramız — aynı, arman ayınıñ 21-nde, saat 18:30-ta», — dep qayd etildi haberde.
Böylece festivalnıñ birinci kününiñ programması, teşkilâtçılarnıñ qayd etkenlerine köre, «ukrayin-qırımtatar birligi içün muim bir şahsiyet»niñ sözünen ve Jamalanıñ hatira ve ümüt mevzusında qırımtatar türkülerinen mahsus deñiştirilgen programmasınen keçecek.
«Kelіñiz, öz insanlarıñız arasında olmaq, müelliflerimizge qol tutmaq, aramızda olmağanlarnı hatırlamaq ve serbest ev aqqındaki ümütni bölüşmek içün. Bu, biz ne keçirgenimizni, şimdi ne keçirgenimizni ve ne içün unutmağa aqqımız olmağanını beraber hatırlatma olacaq. Özüñizni qoruñız. Sizni bekleymiz», — dep qayd ettiler teşkilâtçılar.
Arman ayınıñ 21-nde Kıyivde, arman ayınıñ 20-na keçer gecesi yapılğan ücüm neticesinde elâk olğanlar içünYas künü beyan etildi. RFnıñ gece çoq silâlı ücümi neticesinde 15 insan elâk oldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
