Ukrayin mahkemesine, «Qırım öz-özüni müdafaa etüvi» qanunsız silâlı birleşmesiniñ bir bölügüniñ reisine qarşı qabaatlayıcı akt yollandı. O, Qırım MC Yuqarı Şurasınıñ binasınıñ zapt etilmesinde faal iştirak etti ve yarımadanıñ Rusiyege «qoşulması» aqqında sahte referendumnıñ keçirilmesine yardım etti. Adam, 15 senege qadar apis cezasına mahküm etile bilir.
Arman ayınıñ 19-nda Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Qabaatlanğannıñ areketleri qanunsız silâlı birleşmede iştirak etüv (Ukrayina CQniñ 260-ncı maddesiniñ 2-nci qısmı), devlet hainligi (Ukrayina CQniñ 111-nci maddesiniñ 1-nci qısmı) ve Ukrayinanıñ topraq bütünligine ve toqunılmazlığına qast etüv (Ukrayina CQniñ 110-ncı maddesiniñ 2-nci qısmı) olaraq tasnif etile.
Taqiqatnıñ malümatına köre, 2014 senesi o, yarımadanıñ işğali vaqtında Rusiye askerlerine qol tutmaq içün faaliyet köstergen «Halq birlşemesi»niñ 10-ncı bölügüne yolbaşçılıq etti. Sözde «tertip qoruvı» olaraq, onıñ hızmetçileri Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) qaravul yaptılar, blok noqtalarında nevbetçilik yaptılar ve qanunsız şekilde vesiqalarnı tekşerdiler.
Suspilne Qırımnıñ menbalarınıñ anonim şeklinde bildirgenine köre, söz Vadım İlovçenko aqqında yürsetile.
İlovçenko, Qırım MC Yuqarı Şurası binasınıñ zapt etilmesinde iştirak etti ve sahte referendumnıñ keçirilmesine yardım etti. Soñra o, sözde «Qırım bölge kazak cemiyeti»niñ «atamanı» oldı, tolu miqyaslı cenk başlağandan soñ ise — Herson vilâyetinde Ukrayina mudafaa quvetlerine qarşı cenkleşken «"Tavrida" göñülli batalyonı»nıñ komandanınıñ muavini oldı. Onıñ areketleri qanunsız silâlı birleşmede iştirak etüv, devlet hainligi ve Ukrayinanıñ topraq bütünligine qast etüv olaraq tasnif etildi. Qabaatlanğan adam,15 senege qadar apis cezasına mahküm etile bilir.
«İşğalcilerniñ vazifelerini yerine ketirmek içün "komandan" Qırım MC Yuqarı Şurası binasınıñ zapt etilmesinde faal iştirak etti ve Qırımnıñ RFa "qoşulması" aqqında sahte referendumnıñ keçirilmesine yardım etti. Bundan soñ adam duşman içün işini devam ettirdi. 2017 senesi o, sözde "Qırım bölge kazak cemiyeti"niñ "atamanı" olaraq tayin etildi», — dep qayd etti muhtariyet prokurorlığı.
O qoştı ki, RFnıñ Ukrayinağa qarşı tolu miqyaslı istilâsı başlağanda, qabaatlanğan adam Ukrayina mudafaa quvetlerine qarşı cenk areketlerinde arbiy uruşlarda iştirak etti. Şu cümleden, o, Herson vilâyetinde işğalcilerniñ vazifelerini yerine ketirgen «"Tavrida" göñülli ücum batalyonı»nıñ komandanınıñ muavini oldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
