Arman ayınıñ 17-nci gecesi işğal etilgen Qırım, Qara ve Azaq deñizleri üzerinde dronlarnı urıp tüşürdiler. Aynı zamanda gece maalinde bir qaç kere ava telükesi ilân etildi.
RF Mudafaa nazirligi Telegramda bu aqqında haber berdi.
«Keçken gece devamında qaravul etken AMSAva mudafaası sisteması vastalarıAstrahan, Belgorod, Brânsk, Voronej, Volgograd, Kaluga, Kursk, Rostov vilâyetleriniñ topraqları, Qırım Cumhuriyeti, em de Azaq ve Qara deñizleri üzerinde uçaq şeklinde 205 ukrayin uçucısız uçaq aletini urıp tüşürdi», — dep qayd etildi haberde.
İşğalli Qırım FVNFevqulâde vaziyetler nazirliginiñ malümatına köre, arman ayınıñ 16-sı saba saat 09:46-dan arman ayınıñ 17-si saat 02:46-ğa qadar yarımadada dron ava telükesi МАХ Rusiye devlet qullanması vastasınen ilân etildi. Amma ava telükesi lâğu etilgen üç daqqadan soñ gece maalinde ve saat 06:10-ğa qadar devam etken ava telükesi yañıdan ilân etildi. Saat 07:28-de yañıdan ilân etildi ve alâ daa devam ete.
Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerinde de ava telükesi ilân eitldi. Şeerniñ «gubernatorı» Mihail Razvojayevniñ bildirgenine köre, o, arman ayınıñ 16-nci künü saat 23:00-ten saat 23:22-ge qadaar devam etti.
Aynı zamanda şaatlar «Qırım yeli» Telegram kanalına añlattılar ki, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarındaki Nıjnöğirsk qasabasında «küçlü patlav» eşittiler.
Bundan ğayrı, arman ayınıñ 16-sında saat 20:00-de Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) uçaq tamiri işhanesinde yanğın çıqtı, dep qayd ettiler yerli sakinler. Zavod arbiy uçaqlarnı tamir ete ve endi bir qaç kere ücüm etildi.
Olar da haber berdiler ki, saat 04:06-dan Qırım köpründa maşna areketi toqtatıldı, onıñ üzerinden dronlar uçtı. Köpürge maşna yollarındaki vaziyet boyunca işğalli merkezniñ yazğanına köre, saat 04:17-de areket tiklenildi.
Hatırlatamız ki, arman ayınıñ 16-nda USQniñ ADQ Qırımdaki «Bastion» rusiye yalı raketa kompleksiniñ başlanğıç mevamları ve bulunğan yerine ücüm etti. Aynı şu künü UMQ Rezervnedeki raketa bölüginiñ bulunğan rayonına ücüm etti.
USQniñ Baş ştabınıñ malümatına köre, arman ayınıñ 13-nde işğal etilgen Qırımnıñ Sevastopol (Aqyar) şeerinde Ukraiyna mudafaa quvetleri «Nebo-U» radiolokatsiya stantsiyasını urdı. 17-nci ordu korpusınıñ insansız sistemalarnıñ Luftwaffe 422-nci ayrı polkunıñ komandanı Mıkola Kolesnık haber berdi ki, Canköy rayonınıñ Solone Özero köyü yanında Rusiye askerleriniñ raketa-top silâları anbarını yoq ettiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
