Arman ayınıñ 13-nde gece işğal etilgen Qırımnıñ Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerinde Ukraiyna mudafaa quvetleri «Nebo-U» radiolokatsiya stantsiyasını urdı.
Ukrayina Silâlı quvetleri Facebookta bu aqqında haber berdi.
«"Nebo-U" — Rusiye uzaq mesafeli üç koordinatlı RLS, ava maqsadlarını, hususan uçaqlarnı, qanatlı ve ballistik raketalarnı tapmaq ve taqip etmek içün yapılğan. Stantsiyağa zarar, duşmannıñ ava boşluğını nezaret etmek ve ava maqsadlarını vaqtında tapmaq qabiliyetini eksilteler», — dep qayd eitldi haberde.
Bundan evel arman ayınıñ 12-nde işğal etilgen Qırımda Ukrayina mudafaa quvetleri «Saq» ava limanınıñ dispetçer qullesi ve ücüm etici uçucısız uçaq aletlerini idare etmek içün yañıdan yayınıcını ve Olenivka rayonında «Geran» ve «Gerber» türlü ücüm etici dronlarnı idare etmek içün qullanılğan yerüstü yañıdan yayınıcını urdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
