İşğal etilgen Aqyarda 59 yaşındaki erkekni «internette ekstremist faaliyetine cemaat çağıruvları» içün üç yılğa mahküm ettiler.
Sevastopolnıñ işğal prokuraturası bu aqqında haber etti.
Rusiye tarafınıñ malümatına köre, Aqyarda (SevastopoldaRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) yaşağan bu adam ««rusiyege qarşı» teşviqat cemiyetlerinden birinde ve internet-messencerniñ bir qaç gruppa çatlarında kommentariyler derc etti, olarda, idda etilgenine köre, «insanlarnı milletke ya da asılğa köre öldürmek çağıruvları bar edi».
Erkek «internetni qullanıp, ekstremist faaliyetine cemaat çağıruvlarında» qabaatlı dep tapıldı.
Aqyar (Sevastopol) şeeriniñ Nahimov rayon mahkemesi onı ceza koloniyasında keçirmek cezasınen üç yılğa mahküm etti. Bundan da ğayrı, o, 2 yıl 6 ay devamında internetteki saytlar ve kanallarnıñ idaresinen bağlı faaliyetnen oğraşmaq, em de içtimaiy ağlarda akkaunt ve akkauntlar yaratmaq aqqından marum etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
