İşğalciler 48 yaşındaki Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ sakinini tuttılar ve oña qarşı Rusiye Cinaiy qanunnamesiniñ 205.2-nci maddesiniñ 2-nci qısmına «Terroristik faaliyetke açıq çağıruvlar, terrorizmni açıq aqlavlar ya da terrorizm teşviqatı» binaen cinaiy dava açtılar.
Rusiye FSBsiniñ Qırımdaki işğalli idaresi bu aqqında haber etti, dep bildirdi arman ayınıñ 12-nde RİA «Novosti Krım» Rusiye teşviqat haber agentligi.
«1977 senesi doğğan, Sevastopol (Aqyar — terciman) şeerinde daimiy qayd etilmeden yaşağan adam, Rusiyede terroristik olaraq tanılğan "Rusiye göñülliler korpusı" (RDK) teşkilâtınıñ faaliyetine qol tutqan tefsirlerni Telegram messenceriniñ saifesinde defalarca yazğan edi», — dep qayd etildi haberde.
Adam apiske alundı. O 7 yılğa mahküm etile bilir.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
