Ukrayin skeletoncısı ve olimpiyacısı Vladıslav Ğeraskevıç «Serbest Qırımğa mektüpler» teşebbüsi çerçivesinde Qırım siyasiy mabüsi Boğdan Zizanıñ mektübini oqudı. Yevpatoriyalı (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adli) ressam ve faalci Rusiye tarafından Qırım işğaline qarşı çıqqanı içün 15 yılğa üküm etildi.
Ukrayina Prezidentiniñ Qırım Muhtar Cumhuriyetindeki Temsilciligi bunı bildirdi.
2022 senesi mayıs ayında Boğdan Ziza Yevpatoriyadaki (Kezlevdeki) işğalli memuriyetniñ binasını mavı-sarı boyanen boyalap, Rusiye işğaline narazılıq bildirdi. Bundan soñ Rusiye quvetçileri onı yaqaladılar, soñra Rusiye kontrolindeki mahkeme ressamnı «terrorizm»nen bağlı maddege binaen 15 yılğa apis cezasına mahküm etti.
Bugünde-bugün Boğdan Ziza Rusiyeniñ Burât Cumhuriyetiniñ Ulan-Ude şeerindeki 8-nci apishanede buluna.
Ğeraskevıç Rusiye tarafından Ukrayinağa qoltutqanı ve Qırım işğaline qarşı çıqqanı içün taqip etilgen Ziza ve diger ukrayin siyasiy mabüsleriniñ ikâyelerine diqqat çekmek içün bu teşebbüske qoşuldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
