Arman ayınıñ 10-nda saba işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) elektrik teminatı vaqtınca sıñırlandı. Şeerniñ bir qısmı, Şimaliy taraf, Balıqlava ve Kozak körfezi elektriksiz qaldı.
«Sevastopolenergo» müessisesi bu aqqında haber etti.
«Qara deñiz RDİdayon devlet idaresi dispetçeriniñ emirinen arman ayınıñ 10-nda saat 9:15-te Sevastopolda (Aqyarda — terciman) elektrik teminatı vaqtınca sıñırlandı. Saat 12:00-ge qadar elektrik teminatı 1-inci nevbette olğan qullanıcılarda sıñırlanacaq», — dep qayd etildi haberde.
Müessise qayd etti ki, birinci nevbetteki müşterileriniñ adresleri deñişti. Olar aqqında malümat «Sevastopolenergo» saytında derc etilgen.
Aynı zamanda işğal etilgen Qırımnıñ bir qaç meskün yerinde energetik obyektler bozulğanı sebebinden elektrik teminatı sıñırlı olıp qala. «Krimenergo» bu aqqında haber etti.
«"Krımenergo" Qırım Cumhuriyeti devlet unitar müessisesi ve magistral elektrik ağları zarar körgeni sebebinden yarımadanıñ bazı meskün yerlerine elektrik energiyasınıñ stabil berilmesi imkânsızdır. Vaziyet anomal sıcaq avanen daa da kerginleşe», — dep qayd etildi haberde.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
