İşğal etilgen Qırımda elektrik teminatınıñ sıñırlavları devam ete. Hususan, Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) elektrik söndürilgenini bildirdiler. Bundan ğayrı, yarın Qurman rayonı bütünley elektriksiz qalacaq.
RİA «Novosti Krım» bunı bildirdi.
«Bu, energetik astyapı obyektlerindeki donatmalarnıñ bozulmasınen bağlı, dep haber etti "Krımenergo"», — dep bildirildi.
Energetikler elektrik teminatını ğayrıdan tiklemek içün gece-kündüz çalışalar.
Saba saat 6-da Qurman rayonında elektirk söndürilecek.
«Planlaştırılğanına köre, arman ayınıñ 8-inde saat 6:00-dan 19:00-ğa qadar elektrik söndürilecek», — dep yazdı agentlik.
Sevastopolda (Aqyarda) planlaştırılğan söndürüvler devam ete.
Hatırlatamız ki, arman ayınıñ 7-ne keçer gecesi Mudafaa quvetleri işğal etilgen Qırımda erte qayd etici RLSnı ve ücüm etici UUAlerini uçuruv yerini urdı. USQniñ Baş ştabı bu aqqında haber etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
