İsveçiya mahkemesi Ukrayinağa, Ukrayina tahqiqatınıñ malümatına köre, işğal etilgen Sevastopoldan (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addan) qanunsız alda ububat alıp ketken Rusiye kölge flotunıñ gemisi olğan Caffanı bermege qarar berdi.
Arman ayınıñ 5-nde Ukrayina tış işler naziri Andriy Sıbiğa X içtimaiy ağında bu aqqında yazdı.
«İsveçiya Yuqarı mahkemesiniñ Rusiye kölge flotunıñ Caffa gemisini Ukrayinağa teslim etüv qararını alğışlayım. Bu müim qarar, uquq qorçalayıcı organlar ve prokurorlıq, mustaqil ve tarafsız mahkeme sistemasınen birleşip, mesüliyetlik printsipi tesirli neticelerge çevirgenini köstergen müim bir örnek teşkil ete. Rusiye kölge flotuna qarşılıq köstermek ve cenk içün para qazanmaq maqsadınen çalışmağa devam etemiz», — dep yazdı Sıbiğa.
Bundan evel Suspilne Qırım, 2025 senesi ilk yaz ayında ukrayin tahqiqatçıları Caffa gemisini közetmege başlağanını bildirdi.
«Geminiñ saipleri, idareciligi, bayrağı deñiştirildi ve ilk yaz ayınıñ soñunda işğal etilgen Sevastopolğa (Aqyarğa — terciman) yaldap keldi. Biz onı anda kördik, bayraqqa diqqat ayırdıq, çünki o vaqıt o, Guinea False olaraq qayd etilgen edi», — dep añlattı Katerına Yaresko, «Barıştırıcı» Merkeziniñ SeaKrime leyhasınıñ jurnalisti.
Ukrayinada bu vaqia sebebinden cinaiy dava açıldı ve 2025 senesi boş ayda Caffağa qarşı sanktsiyalar kirsetildi.
Onıñ içün İsveçiyada tutulğan soñ, Ukrayina tarafı gemini apiske almağa rica etti.
«İsveçiya Qırallığınıñ mütenasip organlarına Ukrayina tahqiqatı tarafından belgilengen vaziyetni tasdıqlağan cinaiy dava malümatları yollanıldı. Bu, geminiñ faaliyeti, onıñ marşrutları, qapalı Qırım limanlarınıñ qullanuvı, em de protsessual areketlerniñ keçirilmesiniñ zaruriyeti aqqında malümat edi», — dedi UHHniñ Qırım Muhtar Cumhuriyetindeki baş idaresiniñ taqiqatçısı.
İlk yaz ayınıñ başında İsveçiya mahkemesi Ukrayina tarafınıñ fikrine qol tuttı ve gemini apiske aldı.
Caffa gemisinen bağlı dava, Rusiye kölge flotunıñ bütün iştirakçilerine bir işaret ola, dep ayttı UHH. Qanunsız taşımalarda iştirak etken gemiler sadece sanktsiyalar cedveline kirsetilmekten ğayrı, halqara tahqiqatnıñ, apiske alınuvnıñ ve Ukrayinağa delil olaraq berilüvniñ obyekti ola bile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
