Arman ayınıñ 3-ne keçer gecesi işğal etilgen Qırımda ukrayin dronları «Nıva» ve «Lımane» eki gaz bölüv stantsiyasıgaz basımını eksiltmek, onı temizlemek ve soñra qullanıcılarğa telükesiz berilmesi içün müim bir obyekt ola. Böyle stantsiyalar şeer, köy ya da büyük zavodlar içün gaz borusından gaz alıp pişirena ücüm etti.
Arman ayınıñ 3-nde Facebookta USQniñ İnsansız sistemalar quvetleriniñ komandanı Robert Brovdi «Madâr» bunı bildirdi.
«Arman ayınıñ 3-nde gece daa 10 energiya noqtası İSQniñ Quşları tarafından ücüm etildi: Mariupol, Qırım, Donetsk vilâyeti. Oraq ayınıñ 1-nci — arman ayınıñ 3-nci künleri ameliyat devamında umumiy esabat 187 energiya maqsadını teşkil etti», — dep yazdı «Madâr».
Şu cümleden, onıñ malümatına köre, arman ayınıñ 3-nde işğal etilgen Qırımda aşağıdaki stantsiyalar ücüm etildi:
- «Lımane» gaz bölüv stantsiyası, Koloskı mesken yeri;
- «Nıva» gaz bölüv stantsiyası, Nıva mesken yeri
Hatırlatamız ki, arman ayınıñ 3-nde gece USQ tarafından ücüm etilgen işğal etilgen Qırımdaki yerler: Nove Jıttâ (Canköy rayonı) civarında maddiy-tehnikiy vastalar anbarı ve toplar brigadasınıñ tamir-tiklev bazası, Yevpatoriya (Kezlev) rayonında ise — Okunivka ve Naumivka civarında maddiy-tehnikiy vastalar anbarı, Artemivka civarında kommunikatsiya noqtası.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
