«Ateş» arbiy-partizan areketiniñ temsilcileri işğal etilgen Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) sanayı zonasında gizli benzin vagonlarınıñ yerleşkeni yer tapqanlarını bildirdiler. Partizanlarnıñ malümatına köre, işğalciler onı yolcu elektrik trenleriniñ turağı parkında yerleştirdiler.
Arman ayınıñ 3-nde areket, Telelgramda bu aqqında yazdı.
«Bizim areketimizniñ agentleri Simferopolnıñ (Aqmescitniñ — terciman) sanayı bölgesinde gizli yerleşken yaqarlıq tankerleriniñ turaq yerini qayd ettiler. Közetüv devamlı nezaret rejiminde keçirile. Agentlerimizniñ malümatına köre, bu elektrik yolcu trenleriniñ turaq parkıdır. Şimdilik anda demiryol anbarları ve, ğaliba, ayrı lokomotivler qayd etile. Turaq yanında bir qaç yaqarlıq tsisternası yerleştirilgen. Tsisternalarnıñ yerleşüvi, aynı bu sanayı zonasında bulunğan eki neft bazasınıñ faaliyetinen bağlıdır. Böyle bir qomşulıq obyektni bölgedeki işğalli qurulışlarğa hızmet etken yaqarlıq logistikası içün müim ola bile. Bütün malümat Ukrayina mudafaa quvetlerine tez vaqıtta berildi. Koordinatlar: 44.934806, 34.064972», — dep qayd etildi haberde.
Hatırlatamız ki, işğal etilgen Qırımda yaqarlıq buhranı devam ete — yarımadada benzin satıluvı sıñırlana. İşğalli Qırım yolbaşçısı Sergey Aksönov, benzin stantsiyasında er kün benzin satılmaycağını ve yaqarlıq berilmesiniñ tam cedveli olmaycağını bildirdi.
Arman ayının 2-nde, USQniñ İnsansız sistemalar quvetleriniñ komandanı Robert Brovdi «Madâr» Zaporijjâ vilâyetinde, onıñ malümatına köre, işğalciler işğal etilgen Qırımğa yaqarlıq ketirmege tırışqan benzin manşalarınıñ zarar körgenini köstergen videonı derc etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
