Mahkeme, tahqiqatnıñ malümatına köre, işğal etilgen Qırımda «arbiy-vatanperver terbiyesi» adı altında ukrayin balalarını Rusiye silâlı quvetlerinde hızmet etmege azırlağan üç teşkilâtnıñ reberlerine qarşı qabaatlav aktını yolladı. Olar cenk cinayetlerinde, daa ekisi — Rusiyeniñ silâlı istilâsını aqlağanında qabaatlanalar.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Taqiqatnıñ malümatına köre, «Qırım sıñırcıları birligi», «Varâg» arbiy-vatanperver klubı ve aynı adlı deñiz azırlıq merkeziniñ reberleri işğal etilgen yarımadada ukrayin balalarını Rusiye silâlı quvetlerinde hızmetke azırlay ediler.
2026 senesi çiçek ayında olarğa bir gruppa olaraq cenk cinayetleriUkrayina CQniñ 28-nci maddesiniñ 2-nci qısmı, 438-nci maddesiniñ 1-nci qısmınde qabaatlanğanları aqqında bildirdiler. Olardan ekisi Rusiye Federatsiyasınıñ silâlı tecavuzını aqlağanıUkrayina CQniñ 436-ncı maddesiniñ 3-nci qısmında da qabaatlana.
Prokurorlıqnıñ malümatına köre, 2023 senesi bu teşkilâtlarnıñ faaliyetini inkişaf ettirmek içün olar aman-aman 4,5 mln ruble (2,5 mln ğrıvnâ) miqdarında RF «prezident grantı»nı aldılar, em de işğal etilgen Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) topraq damartısını aldılar, anda oquv-idman kompleksini qurdılar.
Tahqiqatnıñ qayd etkenine köre, merkezniñ bazasında mektep talebelerine silâ qullanuvı, uruş taktikası, arbiy-tarla azırlığı, qurtaruv ve avdarma işleri ögretile edi. Olar içün taktik talimler, arbiy oyunlar ve atışlar keçirildi.
Uquq qorçalayıcılar, «Varâg» klubınıñ mezunları rus ordusına ya da işğalli uquq qorçalayıcı organlarına işke kirgenini eñ az dört kere qayd ettiler.
Prokurorlıq teşkilâtçılarnıñ Rusiye ordusına kirmek içün Kremlge qol tutqan matbuat vastalarında çıqışlar yapıp, teşviqat tedbirlerinde iştirak etkenlerini bildirdi. Tahqiqatnıñ malümatına köre, balalarnen derslerge «SVO» iştirakçileri de celp etile edi.
Suspilne Qırım menbalarınıñ malümatına köre, söz Oleksandr Dâçenko, Darya Ğorohova ve Volodımır Graf aqqında kete.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
