Oraq ayınıñ 29-nda Ukrayina Milliy bankı «Ukrayin pamuğı. "Sea Baby" deñiz dronu» yañı hatıra kapigini çıqarmağa başladı. O, Qara deñizde arbiy vazifelerni yerine ketirmek içün Ukrayina Havfsızlıq hızmetiniñ mütehassısları tarafından işlep çıqarılğan suvastı insansız kompleksine bağışlana.
Ukrayina Milliy Bankı bu aqqında haber etti.
Yañı kapik ilk misalleri 2022 senesi peyda olğan Sea Baby deñiz dronu oldı. UMBnıñ qayd etkenine köre, inasnsız uçaq aleti mudafaa tehnologiyaları saasında ukrayin yañılıqlarınıñ eñ belli misallerinden biri oldı.
Milliy bank hatırlattı ki, Sea Baby Qırım köprüne ücüm vaqtında ve Qara deñiz flotunıñ bir sıra Rusiye gemisini zararlandırmaq içün qullanılğan edi.
5 ğrıvnâ miqdarında olğan kapik Ukrayin mudafaa tehnologiyaları ve olarnıñ işlep çıqaruvcılarına bağışlanğan seriyanı devam ettire.
Kapikniñ aversinde, areket etken Sea Baby deñiz dronuna kompozitsiya olaraq keçip kösterilgen trızub tasvirlengen. Reverste Qara deñiz dalğalarında dron, Ukrayina Havfsızlıq hızmetiniñ logosı, arbiy traferet işaretlemesi tarzında yapılğan SEA BABY yazısı ve Victory işareti olaraq kösterilgen Y arfi bar.
Hatıra kapiginiñ cemisi suvenir paketinde 75 biñ nushadır. Resimniñ müellifi — Andriy Yermolenko, eykelci — Volodımır Demyanenko. Oraq ayınıñ 29-nda hatıra kapigi qullanuvğa çıqarıldı, ve onıñ UMB numizmatik mahsulatınıñ internet tükânında ve dağıtıcı banklarda satıluvı oraq ayınıñ 30-nda başlana.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
