İşğal etilgen Qırımda Ukrayina Silâlı quvetleriniñ İnsansız sistemalar quvetleri Yevpatoriya rayonınıñ Snijne meskün yerindeki deñiz insansız kompleksiniñ gemiler bazasını ve Yalta rayonında Ay Petrideki Ohtnıçe meskün yerindeki radiolokatsiya stantsiyasınıñ teleradioşeffaf sığınaqlarını urdı.
İSQniñ komandanı Robert «Madâr» Brovdi Oraq ayınıñ 30-nda Telegramda bunı bildirdi.
O, DİKniñ gemiler bazasını ve RLSnıñ teleradioşeffaf sığınaqlarını İSQniñ arbiy taqımı 414-nci «Ptahı Madâra»nıñ 9 batalyonı «Kayros» urdı, dep qoştı.
Hatılatamız ki, oraq ayınıñ 30-nda gece işğal etilgen Qırımnıñ Ğvardiyske, Simferopol (Aqmescit) civarındaki Mıkolayivka qasabası, Feodosiyada (Kefede) ve rayonında patlavlar eşitildi. Yarımada, Qara ve Azaq deñizleri üzerinde Rusiye ava mudafaası çalışa edi.
Evel USQniñ Arbiy deñiz quvetleriniñ matbuat kâtibi Dmıtro Pletençuk bildirdi ki, işğal etilgen Qırımda elektrik teminatınen bağlı meseleler ve logistika bozulğan soñ, Rusiye uçaqları deñizlerniñ üzerinde daa az körüne, Rusiye gemileri ise baza noqtalarından çıqmay.
Bundan evel İnsansız sistemalar quvetleriniñ komandanı Robert Brovdi bildirdi ki, işğal etilgen Qırımnıñ azat etilmesi endi keçirile. Onıñ aytqanına köre, esas vazife — yarımadada Rusiye taqımınıñ resurslarnı temin etmek imkânından marum etmektir.
Böyle bir strategiya Qırımnıñ işğalden azat etilmesini ne qadar yaqınlaştıra bilecegi, yarımadanı büyük bir topraq ameliyatı olmadan azat etmek mümkün olğanı ve Rusiye logistika içün müim olğan obyektler qaysı ola bilgeni aqqında — Suspilne Qırım jurnalistleri arbiy mütehassıs Vladıslav Seleznöv ve İvan Stupak ile laf ettiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
