Ukrayina havfsızlıq hızmeti, prezident Volodımır Zelenskıy tarafından tasdıqlanğan Rusiyeniñ arbiy-iqtisadiy küçüni eksiltüv kampaniyasını devam ettire. Keçken afta UHHniñ askerleri işğal etilgen Qırımdaki arbiy obyektlerge ve AMSava mudafaası sisteması vastalarına ücüm ettiler.
Oraq ayınıñ 27-nde UHHniñ matbuat hızmeti Facebookta bu aqqında haber etti.
«Belbek» arbiy ava limanında yerleşken «Nebo-U» uzaq mesafeli radiostantsiyası zarar kördi. Bundan da ğayrı, ukrayin askerleri «Saq» arbiy ava limanındaki yaqarlıq ve yağ malzemelernen toldurılğan rezervuarğa ücüm etti.
Bundan da ğayrı, Ukrayinanıñ ücümine Yañı Qapu şeerinde yerleşken anbarlar ve uçucısız uçaq aletleri tamirhaneleri de oğradı.
Bundan evel USQniñ Arbiy deñiz quvetleriniñ matbuat kâtibi Dmıtro Pletençuk bildirdi ki, işğal etilgen Qırımda elektrik teminatınen bağlı meseleler ve logistika bozulğan soñ, Rusiye uçaqları deñizlerniñ üzerinde daa az körüne, Rusiye gemileri ise baza noqtalarından çıqmay.
Bundan evel İnsansız sistemalar quvetleriniñ komandanı Robert Brovdi bildirdi ki, işğal etilgen Qırımnıñ azat etilmesi endi keçirile. Onıñ aytqanına köre, esas vazife — yarımadada Rusiye taqımınıñ resurslarnı temin etmek imkânından marum etmektir.
Böyle bir strategiya Qırımnıñ işğalden azat etilmesini ne qadar yaqınlaştıra bilecegi, yarımadanı büyük bir topraq ameliyatı olmadan azat etmek mümkün olğanı ve Rusiye logistika içün müim olğan obyektler qaysı ola bilgeni aqqında — Suspilne Qırım jurnalistleri arbiy mütehassıs Vladıslav Seleznöv ve İvan Stupak ile laf ettiler.
Ukrayina Mudafaa nazirliginiñ Bİİniñ İnsansız sistemalar departamentiniñ askerleri oraq ayınıñ 26-nda gece işğal etilgen Qırımdaki Rusiye S-400 «Triumf» ZRKni taptılar — kompleksniñ 96L6 radiolokatsiya stantsiyası ve uçuruv cihazını yoq ettiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
