Ukrayina Mudafaa nazirliginiñ Bİİniñ İnsansız sistemalar departamentiniñ askerleri oraq ayınıñ 26-nda gece işğal etilgen Qırımdaki Rusiye S-400 «Triumf»nı tzenit-raketa kompleksiaptılar — kompleksniñ 96L6 radiolokatsiya stantsiyası ve uçuruv cihazını yoq ettiler.
Oraq ayınıñ 27-nde Ukrayina Mudafaa nazirliginiñ Baş istihbarat idaresi Facebookta bunı bildirdi.
«Rusiyeniñ "Triumf"ı yoq etildi — Bİİ ustaları Qırımdaki S-400tan duşman uçuruv cihazı ve RLSnı yaqtılar», — dep qayd etildi haberde.
Hatırlatamız ki, oraq ayınıñ 27-nde gece işğal etilgen Qırımda patlavlar oldı, soñra eñ az Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerlerinde elektrik yoq oldı. Bundan ğayrı, Bağçasaraydaki magistral elektrik ast stantsiyasında ve bu obyektniñ yanında bulunğan Rusiye Qara deñiz flotunıñ 133 maddiy-tehnikiy teminat brigadasınıñ ayrı rayonında yanğın qayd etildi.
Aynı zamanda oraq ayınıñ 26-nda gece Ukrayina Mudafaa quvetleri Qırımdaki Vnukovo rayonında yerleşken «Çornomornaftogaz» obyektine ve Qara deñiz rayonında yerleşken «Geran»/«Ğerbera» türlü ücüm etici UUAlerini idare etüv teleradiokompaniyasına ücüm etti.
Oraq ayınıñ 26-nda işğal etilgen Yalta alâ daa elektriksiz olıp qala. Tünevin, oraq ayınıñ 25-nde, Aluşta ve qomşu köylerde fevqulâde vaziyet ilân etildi — elektrik 48 saat devamında yoq edi. Anda yaşağan sakinler para tazminatını ala bileler. İşğalciler Yaltada böyle bir rejimni daa kirsetmediler, aksine, telefonlar, elektrik ve fenerler şarj etile bilecek «yardım merkezleri»ni teşkil ettiler. Böyle yerlerde bir sıra sıñırlavlar ve video nezareti bar. Onıñ yerine, generatorlarnıñ bozulmasınıñ sebebi ola bilecek yaqarlıq keyfiyetinden şikâyet etile.
Bundan evel USQniñ Arbiy deñiz quvetleriniñ matbuat kâtibi Dmıtro Pletençuk bildirdi ki, işğal etilgen Qırımda elektrik teminatınen bağlı meseleler ve logistika bozulğan soñ, Rusiye uçaqları deñizlerniñ üzerinde daa az körüne, Rusiye gemileri ise baza noqtalarından çıqmay.
Bundan evel İnsansız sistemalar quvetleriniñ komandanı Robert Brovdi bildirdi ki, işğal etilgen Qırımnıñ azat etilmesi endi keçirile. Onıñ aytqanına köre, esas vazife — yarımadada Rusiye taqımınıñ resurslarnı temin etmek imkânından marum etmektir.
Böyle bir strategiya Qırımnıñ işğalden azat etilmesini ne qadar yaqınlaştıra bilecegi, yarımadanı büyük bir topraq ameliyatı olmadan azat etmek mümkün olğanı ve Rusiye logistika içün müim olğan obyektler qaysı ola bilgeni aqqında — Suspilne Qırım jurnalistleri arbiy mütehassıs Vladıslav Seleznöv ve İvan Stupak ile laf ettiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
