İşğal etilgen Qırımda oraq ayınıñ 24-nde olğan elektrik teminatınıñ bozuluvı devam ete. İşğalli kommunal hızmetleri ücümler neticesinde elektrik energiyası obyektlerine zarar ketirilgeni, ağda qazalar ve suv teminatınen bağlı meseleler qayd etilgenini bildirdi.
Oraq ayınıñ 24-nde işğalli «Krımenergo» öz saytında bu aqqında haber etti.
«Duşman Qırımnıñ elektrik teminatı obyektlerine ücüm etmege devam ete. Yarımadanıñ bir qısmı elektriksiz qaldı. Qırımnıñ şimaliy-ğarbiy, şarqiy ve cenübiy qısmlarında elektrik teminatınen bağlı vaziyet alâ daa qıyın. Elektrik energiyasınıñ sıñırlavı devam ete», — dep qayd etildi haberde.
«Qırım yeli» nezaret Telegram kanalı oraq ayınıñ 24-nde Feodosiya (Kefe) rayonındaki stantsiyada yanğın aqqında bildirdi, yanğın yapma gölüniñ pompa stantsiyasına da küç bere.
İşğalli «Voda Krıma» şirketi tenbiyeledi ki, oraq ayınıñ 24-nde Feodosiya (Kefe), Aluşta, Keriç, Simferopol (Aqmescit), Sudaq ağlarında «qaza oldı».
Saq şeerini işğalli «başı» Yuliya Predıbaylo bildirdi ki, şeerde ağlar zarar körgen soñ yükke dayanmay, şunıñ içün vaziyet «qıyın» qala, söndürüv cedvelini ise şimdilik tizmek mümkün degil.
«Şimdiki vaqıtta şeerde elektrik energiyasınen bağlı vaziyet qıyın. Bir daa qayd etem ki, şimdi elektrik energiyasını berüv cedvelini tizmek imkânsızdır. Tamir işleri, fevqulâde vaziyetlerniñ al etilmesi aqqında malümat açıq meydançıqta yerleştirilmeycek. Vaziyet er saat ve er kün deñişe. Siziñ duyğusal mesajlarıñıznı körem — elektrik berdiler ve birden söndürdiler! Bu, bütün ev aletleriniñ çalıştırılmasınen bağlı büyük yükelnmesinen bağlı, bu da avtomatikağa zarar bere. İqtisadiy qullanuv rejimine riayet etiñiz! Sizden sabırlı olmağa rica etem», — dep qayd etildi haberde.
Sahte malümatqa qarşılıq merkeziniñ malümatına köre, Canköyde cedvelge köre cep telefonları ve internet endi sekiz saat devamında çalışa, Sevastopolda (Aqyarda) ise işğalciler vatandaşlarğa haberlerni radio vastasınen diñlemege tevsiye eteler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
