Wildberries şirketi işğal etilgen Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerindeki tertip merkeziniñ hadimleri tahliye etilgenini bildirdi. Nezaret resursları Qırımdaki anbar patlavlarınıñ videolarını derc ete.
Saat 01:40-ta şirketniñ matbuat hızmeti Telegramda tahliye aqqında haber etti.
«Şirketniñ Simferopoldaki tertip merkezi telükesizlik talaplarına köre tahliye etildi», — dep qayd etildi haberde.
«Qırım yeli» nezaret Telegram kanalı Simferopolda (Aqmescitte) patlavlar aqqında saat 23:55-te haber etti. Olarnıñ malümatına köre, ücüm altında Sıcaqlıq elektrik merkezi ve Wildberries şirketiniñ anbarı da bar edi.
«Bugün Simferopoldan ve Piterge qadar», — dep yazdı Facebookta USQniñ İnsansız sistemalar quvetleriniñ komandanı Robert «Madâr» Brovdi.
Rusiye şirketiniñ matbuat hızmeti Sankt-Peterburgdaki anbarlarnıñ işini toqtatqanını bildirdi.
2026 senesi oraq ayınıñ 24-nde Simferopoldaki Wildberries anbarında yanğın. Telegram/"Кримський вітер"
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
