İşğal etilgen Qırım sakinleri içtimaiy ağlarda fiyatlar artqanından şikâyet eteler. Hususan, soñki ay içinde et, yımırta, şeker, qara boğday, yağ ve süt fiyatları arttı.
"Şekerniñ fiyatı 122 ruble. İnanılmaz. Nasıl tatlı yapmaq? Nasıl kompotlarnı yapmaq mümkün?"
"Qırımda Qırım suvınıñ fiyatı bir kere bile kolaCoca-Coladan paalı olğanını körgen ediñizmi? Bu sıñırdır!"
"Ne içün bira o qadar paalı? Bu fiyatlarğa baqsañız, yarım litr içün 170-e qadar paalı".
"Et, domuz eti, kemik 295, soñra 320, endi 400 oldı. Et qısmınıñ fiyatı 420 edi, şimdi ise 525 oldı. İşte ekinci kere ötmekniñ fiyatı arttı. Başta 40 edi, şimdi 45 oldı. Şimdilik bilmeyim, belki de 52. Tuz 40 edi, şimdi 52"
İşğal etilgen yarımadanıñ sakinleri 2026 senesi oraq ayında fiyatlar artqanını böyle tarif eteler.
"Keçken senege baqqanda aşayt mallarınıñ fiyatları 10 fayızdan 100 fayızğa qadar köterile. Men bir ay içinde alınğan malümat berdim, bir yıl içinde alsaq, kerçekten de, bayağı paalılaştı, amma mahsulatnıñ esas fiyatı bu soñki ay içinde arttı", — dep ayttı Qırımtatar Resurs Merkeziniñ idare reisi Eskender Bariyev.
Elektrik energiyası kesilgeninden ve benzin qıtlığı başlağanından berli fiyatlar bayağı arttı. Prezidentniñ Qırım Muhtar Cumhuriyetindeki temsilciligi, sebeplerden biri logistika meseleleri olğanını ayta.
"Qırım köpründen logistika çalışmay, parom keçitleri ise, taşıyıcılar işini toqtattı, hususan logistika şirketleri mahsulatnı vaqtınca işğal etilgen Qırımğa ketirmege red ete, ya da bu ketirüv bayağı arttı (fiyat ceetinden — muar.) ", — dep añlattı Denıs Çıstikov.
Onıñ aytqanına köre, onlayn satışlar da eksildi, çünki tedarikçiler mahsulatnı ketirmege red eteler.
"Olarnıñ areketiniñ yekâne marşrutı, Herson, Zaporijjâ ve Donetsk vilâyetleriniñ işğal etilgen topraqlarından keçken "Tavrida-2"Rusiye işğalli akimiyetiniñ Rostov-na-Donu (Rusiye Federatsiyası) vaqtınca işğal etilgen Ukrayina topraqlarınen, hususan Qırım, Melitopol, Mariupol ve Geniçeskten keçken yañı avtomobil yolunıñ qurulması leyhası yoludur", — dep añlattı memur.
Alıcılarnıñ dondurma alğanları buzdolaplar boş. Yarımadada süt mahsulatınen bağlı vaziyet fena, dep ayttı Eskender Bariyev. Süt içün buzdolap kerek, ve elektrik söndüreler. Bazı rayonlarda, meselâ, Canköyde eki aftadan berli yoq.
Tükânlar ya generatorlarnen çalıştırıla, ya da qapatıla.
"Köylerde ve 8-10 kün devamında elektrik olmağan yerlerde, yani Ermeni Bazar, Yañı Qapu (Krasnoperekopsk), Canköy kibi yerlerde azıq tükânları çalışmağa toqtay, olar qapatıla, satıcılar ise ya işten boşatıla, ya da tatilge yollanıla. İşğalli akimiyet yaqın vaqıtlarğa qadar olarnen iç bir şekilde bağ qurmağanı içün bu daa ziyade raatsızlıq doğura", — dep añlattı Çıstikov.
Fiyatlarnıñ köterilmesinden ğayrı, Qırımnıñ bazı rayonlarında tükânlarnıñ rafları boş. Bazı Qırım sakinleri narazılıq bildireler, işğalli akimiyet ise meseleni çezmege vade ete, dep ayttı Eskender Bariyev.
"Bunı farqlı insanlar farqlı şekilde qabul ete. Aksine, böyle bir şey olsa, demek ki, Qırım tezden azat etile bilir, dep aytalar. Bazıları ise: "Ne içün bizge bu SVOMahsus arbiy ameliyat — Rusiye yolbaşçılığı tarafından kirsetilgen ve Rusiyege qoltutqan menbalar tarafından Rusiyeniñ Ukrayinağa 2022 senesinden başlap istilâsını tasvir etmek içün qullanılğan teşviqat efemizmidir. ya da cenk kerek, evelki kibi yaşasaq daa yahşı olur edi", — deyler", — dep tarif etti Bariyev.
Onıñ fikrine köre, böyle vaziyet devam etse, mahsulat fiyatları arta bilir ve bu sebepten qıtlıqlar peyda ola bilir.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
